కరెంట్‌ అఫైర్స్‌

మాదిరి ప్రశ్నలు

* ‘ఉమెన్‌ ఎంటర్‌ప్రెన్యూర్‌ ఆఫ్‌ ది ఇయర్‌ అవార్డ్‌  ఫర్‌ ది సార్క్‌ రీజియన్‌’ పురస్కారం గెలుచుకున్న భారతీయ మహిళా వ్యాపారవేత్త ఎవరు? (శ్రీలంక కేంద్రంగా మహిళా పారిశ్రామికవేత్తలను ప్రోత్సహించడానికి ఏర్పాటైన ‘ఉమెన్స్‌ ఛాంబర్‌ ఆఫ్‌ ఇండస్ట్రీ అండ్‌ కామర్స్‌’ (డబ్ల్యూసీఐసీ) ఈ పురస్కారాన్ని ప్రదానం చేసింది.)  

జ: డాక్టర్‌ సుజాత శేషాద్రినాథ్‌

* ప్రపంచంలోనే అత్యంత తెలివైన విద్యార్థినిగా వరుసగా రెండో ఏడాది ఘనత సాధించిన భారతీయ అమెరికన్‌ విద్యార్థిని ఎవరు? (అమెరికాకు చెందిన జాన్స్‌ హాప్కిన్స్‌ సెంటర్‌ ఫర్‌ టాలెంటెడ్‌ యూత్‌  నిర్వహించిన పలు రకాల  పరీక్షల్లో అగ్రస్థానంలో నిలిచి  వరుసగా రెండో సంవత్సరం ఈ 13 ఏళ్ల బాలిక ఈ ఘనత సాధించింది)

జ: నటాషా పెరియనాయగమ్‌

* 31 మంది లోక్‌సభ, రాజ్యసభ సభ్యులతో ఏర్పాటైన నదుల అనుసంధానంపై  పార్లమెంటరీ స్టాండింగ్‌ కమిటీకి ఏ బీజేపీ ఎంపీ అధ్యక్షత వహిస్తున్నారు? (కేంద్రం ప్రాధాన్యతగా ప్రకటించిన గోదావరి - కృష్ణా - పెన్నా - కావేరి, దామన్‌ గంగా - పింజాల్‌, పర్‌ - తాపి - నర్మదా నదుల అనుసంధానానికి ప్రధానంగా రాష్ట్రాల మధ్య జల వివాదాలను పరిష్కరించకపోవడం,  ఏకాభిప్రాయ సాధనకు సంప్రదింపులు జరపకపోవడం, నిధుల కొరత, అటవీ పర్యావరణ అనుమతులు, భూ సేకరణ నిర్వాసితులకు పునరావసం కల్పన అనే అయిదు ప్రధాన అంశాలు అడ్డంకిగా మారినట్లు ఈ స్టాండింగ్‌ కమిటీ తన  నివేదికలో పేర్కొంది.)

జ: పర్‌బత్‌భాయ్‌ సవాభాయ్‌ పటేల్‌