కరెంట్‌ అఫైర్స్‌

మాదిరి ప్రశ్నలు

ఆస్ట్రేలియాలోని ప్రఖ్యాత సిడ్నీ క్రికెట్‌ గ్రౌండ్‌లో మొదటిసారిగా ఏ మహిళా క్రికెటర్‌ కాంస్య విగ్రహాన్ని ఇటీవల ఏర్పాటు చేశారు? (దీంతో ఇప్పటికే సిడ్నీ క్రికెట్‌ గ్రౌండ్‌ వద్ద ఉన్న రిచీ బెనాడ్‌, ఫ్రెడ్‌ స్పాఫ్ఫోర్త్‌, స్టాన్‌ మెక్‌కాబ్‌, స్టీవ్‌వాల విగ్రహాల సరసన ఈమె విగ్రహం చేరింది.)

జ: బెలిండా క్లార్క్‌, ఆస్ట్రేలియా (ఈమె మహిళల క్రికెట్‌ అంతర్జాతీయ వన్డేల్లో తొలి డబుల్‌ సెంచరీ నమోదు చేశారు.)

ఏ రాష్ట్రంలోని మోపాలో ఉన్న గ్రీన్‌ఫీల్డ్‌ అంతర్జాతీయ విమానాశ్రయం పేరును ‘మనోహర్‌ ఇంటర్నేషనల్‌ ఎయిర్‌పోర్ట్‌’గా మార్చాలని కేంద్ర ప్రభుత్వం నిర్ణయించింది? (కేంద్ర మాజీ రక్షణ మంత్రి, ఈ రాష్ట్ర మాజీ ముఖ్యమంత్రి దివంగత మనోహర్‌ పారికర్‌ పేరిట విమానాశ్రయం పేరు మార్చాలని ప్రభుత్వం నిర్ణయించింది.)

జ: గోవా

ఏ రాష్ట్ర ప్రభుత్వం ప్రారంభించిన ‘జాగా మిషన్‌’ ప్రతిష్ఠాత్మక యూఎన్‌ - హేబిటాట్స్‌ వరల్డ్‌ హేబిటాట్‌ అవార్డును సొంతం చేసుకుంది? (ప్రపంచవ్యాప్తంగా గృహ నిర్మాణ పథకాలు, కార్యక్రమాలు, వినూత్న ఆలోచనలకు సంబంధించి ఈ ప్రతిష్ఠాత్మక అవార్డును ఇస్తారు.)

జ: ఒడిశా

2023 జనవరి 5, 6 తేదీల్లో మొదటి అఖిల భారత నీటి మంత్రుల సదస్సును ఎక్కడ నిర్వహించారు? (‘వాటర్‌ విజన్‌ జీ 2047’ అనే థీమ్‌తో ఈ సదస్సును నిర్వహించారు.) 

జ: భోపాల్‌