కరెంట్‌ అఫైర్స్‌

మాదిరి ప్రశ్నలు

* భారత్‌లోని ఏ బీచ్‌ వరుసగా మూడో ఏడాది అంతర్జాతీయ స్థాయిలో ప్రఖ్యాతిగాంచిన ‘బ్లూఫ్లాగ్‌’ సర్టిఫికెట్‌ను పొందింది? (1987 నుంచి డెన్మార్క్‌లోని ఫౌండేషన్‌ ఫర్‌ ఎన్విరాన్‌మెంటల్‌ ఎడ్యుకేషన్‌ (ఎఫ్‌ఈఈ) సంస్థ ఈ సర్టిఫికెట్‌లను ఇస్తోôది. స్వచ్ఛత, ఆహ్లాదకరమైన వాతావరణం కలిగి పర్యావరణహితంగా, పర్యాటక స్వర్గధామంగా ఉన్న బీచ్‌లకు ఈ గుర్తింపు లభిస్తుంది. దేశంలో ఇప్పటి వరకు 12 బీచ్‌లకు ‘బ్లూఫ్లాగ్‌’ సర్టిఫికెట్‌ లభించింది.)

జ: రుషికొండ, విశాఖపట్టణం

* 2023 ఏప్రిల్‌లో ఏ దేశం ‘ఒఫెక్‌-13’ నిఘా ఉపగ్రహాన్ని విజయవంతంగా అంతరిక్షంలోకి పంపింది? (పల్మాచిమ్‌ ఎయిర్‌ బేస్‌ స్పేస్‌ పోర్ట్‌ నుంచి షవిట్‌ రాకెట్‌ ద్వారా ఈ ఉపగ్రహాన్ని అంతరిక్షంలోకి పంపించారు.)

జ: ఇజ్రాయెల్‌

* 2023, మార్చి 29న ప్రపంచ ఆరోగ్య సంస్థ ఏ రెండు దేశాలను మలేరియా రహిత దేశాలుగా ప్రకటించింది?

జ: అజర్‌ బైజాన్‌, తజికిస్థాన్‌

* అమెరికా రక్షణశాఖ ఏ దేశంలో కొత్తగా నాలుగు సైనిక స్థావరాలను ఏర్పాటు చేస్తున్నట్లు ప్రకటించింది?

జ: ఫిలిప్పీన్స్‌

* భారత ప్రభుత్వం ఏ సంవత్సరం నాటికి ఒక ట్రిలియన్‌ డాలర్ల (లక్ష కోట్ల డాలర్లు) పర్యాటక ఆర్థిక వ్యవస్థను లక్ష్యంగా పెట్టుకుంది?

జ: 2047