ఆస్క్‌ ది ఎక్స్‌పర్ట్‌

దూరవిద్యావిధానంలో వేరే రాష్ట్రంలో డిగ్రీ పూర్తి చేశాను. టీఎస్‌పీఎస్సీ గ్రూప్స్‌, పోలీసు ఉద్యోగాలు రాసుకోవడానికి అర్హత ఉంటుందా?

- పొన్నం

జ: ప్రాథమిక విద్య అంతా తెలంగాణలోనే జరిగి ఉంటే డిగ్రీ వేరే రాష్ట్రంలో చేసినా మీకు అర్హత ఉంటుంది.

నేను ఒకటి నుంచి ఆరో తరగతి వరకు హన్మకొండలో, ఏడో తరగతి వరంగల్‌లో పూర్తి చేశాను. ఏ జిల్లా స్థానికత వర్తిస్తుంది?

- రంజిత్‌

జ: మీరు హన్మకొండలో స్థానికత పొందుతారు.

నేను టీఎస్‌పీఎస్సీ పరీక్షలకు సిద్ధమవుతున్నాను. నా ఎడమచేతికి 5 సెం.మీ. పొడవున అమ్మానాన్న అని పచ్చబొట్టు వేయించుకున్నాను. సబ్‌ ఇన్‌స్పెక్టర్‌ ఉద్యోగానికి కూడా దరఖాస్తు చేశాను. ఉద్యోగ సాధనలో ఈ పచ్చబొట్టు వ్లల ఏదైనా సమస్య ఉంటుందా?

- చిన్ని

జ: మీరు వేయించుకున్న పచ్చబొట్టు వల్ల ఉద్యోగ సాధనలో ఎలాంటి సమస్యా ఉండదు.

నేను ఎస్సీ గురుకులంలో 2019 నుంచి ఉపాధ్యాయుడిగా పని చేస్తున్నాను. గ్రూప్‌ -1 పరీక్షకు ప్రిపేర్‌ అవుతున్నాను. మెయిన్స్‌ పూర్తయ్యేవరకు లాస్‌ ఆఫ్‌ పే సెలవులను పెట్టాలనుకుంటున్నాను. ఇందుకు ఎవరిని సంప్రదించాలి?

- షుకా

జ: మీ స్కూలు ప్రధానోపాధ్యాయుడిని సంప్రదించి పై అధికారికి సెలవుల కోసం దరఖాస్తు చేసుకోండి.

మీ సందేహాలను పోస్ట్‌ చేయడానికి క్యూఆర్‌ కోడ్‌ స్కాన్‌ చేయండి

help@eenadupratibha.net