ఆస్క్‌ ది ఎక్స్‌పర్ట్‌

టీఎస్‌పీఎస్సీ ఏఈ సివిల్‌ ఇంజినీర్‌ ఉద్యోగానికి ప్రిపేర్‌ అవుతున్నాను. 2019లో నా మీద చిన్న కేసు నమోదైంది. ఇంకా నడుస్తోంది. ఒకవేళ ఉద్యోగం వచ్చి వెరిఫికేషన్‌ సమయానికి నాపై కేసు కన్‌ఫర్మ్‌ అయితే ఏదైనా సమస్య వస్తుందా?

- సాకాని నాగరాజు

జ: న్యాయస్థానంలో శిక్ష ఖరారు అయితే ఇబ్బంది ఉంటుంది. అన్ని విషయాలను మీరు కమిషన్‌కు వెల్లడించాల్సి ఉంటుంది.

నేను గ్రూప్‌-1 కి సిద్ధమవుతున్నాను. 2021లో డ్రంక్‌ అండ్‌ డ్రైవ్‌లో దొరికిపోయాను. దీనివల్ల ప్రభుత్వ ఉద్యోగసాధనలో ఏదైనా సమస్య ఉంటుందా?  

- మధు

జ: సాధారణ పరిస్థితులే అయితే ఏ సమస్యా ఉండకపోవచ్చు.

నేను ఆంధ్ర అమ్మాయిని. తెలంగాణ అబ్బాయితో వివాహం జరిగింది. ఆధార్‌ కార్డు ఇక్కడి అడ్రస్‌కి మార్పించుకున్నాను. టీఎస్‌పీఎస్సీ పరీక్షలు రాసేందుకు అర్హత ఉంటుందా?

- ఒక అభ్యర్థిని

జ: మీ ప్రాథమిక విద్యాభ్యాసమంతా ఆంధ్రప్రదేశ్‌లోనే జరిగి ఉంటే,  తెలంగాణలో ఓపెన్‌ కోటాలో టీఎస్‌పీఎస్సీ పరీక్షలు రాసుకోవచ్చు. కానీ 5% ఉద్యోగాలకు మాత్రమే అర్హత ఉంటుంది.

మీ సందేహాలను పోస్ట్‌ చేయడానికి క్యూఆర్‌ కోడ్‌ స్కాన్‌ చేయండి.
help@eenadupratibha.net

ప్రిపరేషన్‌టెక్నిక్‌

ఏదైనా సబ్జెక్టును విశ్లేషణాత్మకంగా అధ్యయనం చేయాలను కున్నప్పుడు చదివినంత వరకు ముఖ్యాంశాలను సొంత వాక్యాల్లో రాయడానికి ప్రయత్నించాలి. అర్థమైన మేరకు స్థూలంగా పునశ్చరణ చేసుకోవాలి. అప్పుడు టాపిక్‌పై పట్టు పెరుగుతుంది.