ఫోరెన్సిక్‌ సైన్స్‌ చదవాలంటే..?

ఫోరెన్సిక్‌ సైన్స్‌ చదవాలంటే..?

ఇంటర్‌ (బైపీసీ) పూర్తిచేశాను. డిగ్రీ (కెమిస్ట్రీ, మైక్రోబయాలజీ, బయోటెక్నాలజీ) మొదటి సంవత్సరం చదువుతున్నాను. నాకు ఫోరెన్సిక్‌ సైన్స్‌ చదవాలనుంది. డిగ్రీ తరువాత ఏది ఎంచుకోవాలి? నేను చదివేవాటిల్లో ఏ సబ్జెక్టు ఎక్కువ ఉపయోగకరం?

నేర పరిశోధనలో విజ్ఞాన సూత్రాలను వర్తింపజేసి సాధారణ దృష్టిని తప్పించుకునే ఆధారాలను కనుక్కునే శాస్త్రమే ఫోరెన్సిక్‌ సైన్స్‌. మైక్రోబయాలజీ, బయోకెమిస్ట్రీ, జంతుశాస్త్రం, రసాయన శాస్త్రం, భౌతిక శాస్త్రం, అప్లైడ్‌ సైన్స్‌ లేదా వృక్షశాస్త్రంలో డిగ్రీ పూర్తి చేసినవారికి ఎంఎస్‌సీ ఫోరెన్సిక్‌ సైన్స్‌ చదివే అర్హత ఉంటుంది. కాబట్టి ఈ కోర్సు చేయడానికి మీరు అర్హులే. పీజీ స్థాయిలో ఈ కోర్సును అందిస్తున్న సంస్థల్లో కొన్ని విద్యాసంస్థలు: అమిటీ యూనివర్సిటీ, గల్గోతియా యూనివర్సిటీ, డా. హరిసింగ్‌ యూనివర్సిటీ.
సబ్జెక్టు పరిజ్ఞానంతోపాటు పరిశీలన నైపుణ్యాలు, సహజంగా పరిశోధించే స్వభావం, ఆసక్తి ఉన్నవారు ఈ వృత్తిలో రాణిస్తారు. ఆధునిక నేర పరిశోధనలో మీరు చదువుతున్న కెమిస్ట్రీ, బయోటెక్నాలజీ, మైక్రోబయాలజీ, బయోటెక్నాలజీ మూడూ అవసరమే, ప్రధానమే.