పుల్లలతో పిట్టపిల్ల!

పిట్టలు భలే అందంగా ఉంటాయి కదూ! పట్టుకునే లోపే తుర్రున పారిపోతుంటాయి. మరేం ఫర్లేదు.. ఈ రోజు మనమే కర్రపుల్లలతో చక్కని పిట్టపిల్లను తయారు చేసుకుందాం సరేనా!

ఏమేం కావాలి

* సన్నని, మెత్తని కర్రపుల్లలు

* జిగురు (గమ్‌)

* తెలుపు, నలుపు, పసుపు చార్టు పేపర్లు

* రంగుల చాక్‌పీసులు

ఎలా చేయాలంటే

* మెత్తటి కర్రపుల్లలు సేకరించి పెట్టుకోండి. చిన్న చిన్న మొక్కల ఎండుపుల్లలైతే బాగా సరిపోతాయి.

* వీటిలో కాస్త పొడవైన వాటిని ఎంచుకుని రెండు సమానంగా ఉండేలా కత్తిరించుకోవాలి.

* వీటికి ఎరుపు రంగు చాక్‌పీసుతో రంగు అద్దండి. ఇవి కాళ్లన్నమాట. మరి కొన్ని పుల్లలు తీసుకుని ఒకదానికి మరోటి జాగ్రత్తగా అతికించుకోండి.

* చివర్లో ఓ అయిదు పుల్లలు తీసుకుని ఒక్కోదానికి ఒక్కో రంగు చాక్‌పీసుతో రంగు వేసుకోండి.

* వీటిని పింఛంలా అతికించండి.

* తర్వాత వైట్‌ చార్టును గుండ్రంగా కత్తిరించుకోండి. దీనిపైన కాస్త చిన్నగా గుండ్రని ఆకారంలో కత్తిరించుకున్న నలుపు రంగు చార్టును అతికించుకోండి. ఇవి కళ్లన్నమాట.

* ఒకవేళ మీ దగ్గర నల్లచార్టు లేకపోతే.. మీరు తెల్లచార్టుపైన నల్లరంగు కూడా వేసుకోవచ్ఛు

* తర్వాత చిన్నగా త్రిభుజాకారంలో కత్తిరించి పెట్టుకున్న పసుపు రంగులోని చార్టును ముక్కులా అతికించుకోండి.