అటు మధుమేహం.. ఇటు కాలుష్యం
మధుమేహంతో బాధపడుతున్నారా? లేదూ ముందస్తు మధుమేహం.. అదే మధుమేహంలోకి అడుగుపెట్టే దశలో ఉన్నారా? అయితే వాయు కాలుష్యం బారినపడకుండా చూసుకోండి. లేకపోతే ఊపిరితిత్తులు తిరిగి కోలుకోలేనంతగా దెబ్బతినే ప్రమాదముంది. మధుమేహం,
మధుమేహంతో బాధపడుతున్నారా? లేదూ ముందస్తు మధుమేహం.. అదే మధుమేహంలోకి అడుగుపెట్టే దశలో ఉన్నారా? అయితే వాయు కాలుష్యం బారినపడకుండా చూసుకోండి. లేకపోతే ఊపిరితిత్తులు తిరిగి కోలుకోలేనంతగా దెబ్బతినే ప్రమాదముంది. మధుమేహం, ఇన్సులిన్ నిరోధకతలతో ఊపిరితిత్తుల కణజాలం గట్టిపడే (ఇంటర్స్టిషియల్ లంగ్ డిసీజ్) ముప్పు పెరుగుతున్నట్టు తాజా అధ్యయనంలో తేలింది. ఇందుకు ఓజోన్తో కలుషితమైన వాతావరణం ఆజ్యం పోస్తుండటం గమనార్హం. ఇంటర్స్టిషియల్ లంగ్ డిసీజ్ తీవ్ర సమస్య. దీని బారినడ్డవారిలో ఊపిరితిత్తుల్లోని గాలి గదులు, రక్తనాళాలు, శ్వాస మార్గాల చుట్టూరా ఉండే మృదువైన కణజాలం గట్టిపడుతుంది. దీంతో ఊపిరితిత్తులు వ్యాకోచించటం తగ్గుతుంది. శ్వాస ఆడటం కష్టమవుతుంది. ఊపిరితిత్తుల్లో రక్తపోటు పెరిగిపోతుంది. ఇది ప్రాణాంతకంగానూ పరిణమించొచ్చు. ఒకసారి ఊపిరితిత్తుల కణజాలం గట్టిపడితే తిరిగి మామూలు స్థాయికి రావటం అసాధ్యం. సాధారణంగా ఆజ్బెస్టాస్ వంటి హానికర పదార్థాలకు దీర్ఘకాలంగా గురికావటం వల్ల ఇది తలెత్తుతుంటుంది. కీళ్లవాతం వంటి స్వీయ రోగనిరోధక సమస్యలూ కారణం కావొచ్చు. ఇప్పుడు ఓజోన్, మధుమేహం సైతం దీనికి దోహదం చేస్తున్నట్టు తేలటం గమనార్హం. ఆజ్బెస్టాస్ మాదిరిగానే ఓజోన్ కూడా వాయు కాలుష్య కారకమే. ఇన్సులిన్ నిరోధకత, మధుమేహం సైతం స్వీయ రోగనిరోధక సమస్యలే. ఇవి రెండూ తోడై ఊపిరితిత్తుల్లో వాపు ప్రక్రియను ప్రేరేపించి, చెరగని మచ్చపడేలా చేసి.. చివరికి మృదువైన కణజాలాన్ని గట్టిపరుస్తున్నట్టు అధ్యయన ఫలితాలు సూచిస్తున్నాయి. పట్టణాల్లో కాలుష్యం ఎక్కువవుతుండటం.. ముందస్తు మధుమేహం, మధుమేహం పెరిగిపోతున్న నేపథ్యంలో ఇది మరింత కలవరం కలిగిస్తోంది.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
మోదీజీ.. ఆ చప్పట్లకు మోసపోకండి: ప్రధానికి ఖర్గే లేఖ
-
నా వ్యాఖ్యలను అపార్థం చేసుకోవడంతోనే సమస్య: అంబటి రాయుడు
-
‘రాంచీలో ఉన్నా.. రూ.600 కావాలి’.. ధోనీ పేరుతో మెసేజ్ వైరల్
-
బౌలర్ల విషయంలో రాజీ పడొద్దు.. అలా చేస్తే కష్టమే: నవ్జ్యోత్ సిద్ధూ
-
ఆ అవార్డు వేడుకలో అవమానించారు: విద్యా బాలన్
-
అలా చేస్తే ఆయుధాలు వీడతాం.. హమాస్ కీలక ప్రతిపాదన!