జీర్ణశక్తికి యోగముద్రాసనం

ఆకలి, జీర్ణశక్తి పెంచుకోవాలని అనుకుంటున్నారా? అయితే యోగముద్రాసనం వేసి చూడండి.  ఇది కాస్త కష్టమైనదే అయినా సాధన చేస్తుంటే క్రమంగా అలవడుతుంది. దీంతో కడుపు కండరాలు, కటి భాగంలోని అవయవాలు బలోపేతమవుతాయి. మలబద్ధకమూ తొలగుతుంది. నాడీ వ్యవస్థ పుంజుకుంటుంది. తల, ముఖంలోని నాడులకు విశ్రాంతి లభిస్తుంది.  లైంగిక గ్రంథులూ బలోపేతమవుతాయి.

ఎలా వేయాలి?
* ముందుగా పద్మాసనం వేయాలి. నడుమును తిన్నగా ఉంచి, కూర్చోవాలి.
* చేతులను వీపు వెనక్కి తీసుకురావాలి.
* ఎడమ మణికట్టును కుడిచేత్తో పట్టుకోవాలి. ఇప్పుడు ఒకసారి గాఢంగా శ్వాస తీసుకోవాలి.
* శ్వాసను నెమ్మదిగా వదులుతూ తలను వంచుతూ, ముందుకు వంగాలి.
* చేతులను వెనక వైపున అలాగే పట్టుకొని ఉండాలి.
* క్రమంగా ముక్కు, నుదురును నేలకు తాకించేందుకు ప్రయత్నించాలి.
* తర్వాత శ్వాసను నెమ్మదిగా తీసుకుంటూ తలను లేపుతూ యథాస్థితికి రావాలి.

వీరికి కూడదు
గర్భిణులు, నెలసరి అవుతున్నవారు.. సయాటికా, వెన్ను, భుజాలు, చేతులు, ఛాతీ పైభాగంలో నొప్పులు గలవారు.. వెన్ను, కీళ్ల సమస్యలతో బాధపడేవారు దీన్ని వేయరాదు.

• Yogamudrasana
• appetite
• digestion
• sex glands
• constipation
• nervous system
• should not
• pregnant
• monthly
• if practiced
• relax the nerves