ఆస్థమా ఉద్ధృతం కాకుండా..

ఆస్థమా ఎప్పుడు దాడి చేస్తుందో తెలియదు. ఎంత ఉద్ధృతంగా పరిణమిస్తుందో తెలియదు. కాబట్టి ఆస్థమా గలవారు నిరంతరం అప్రమత్తంగా ఉండటం అవసరం. జాగ్రత్తల విషయంలో ఏమరుపాటు తగదు.

* బయటే కాదు, ఇంట్లో కాలుష్యం తక్కువేమీ కాదు. గాలి ధారాళంగా వచ్చిపోయేలా చూసుకోవాలి.
*ఇంటిని శుభ్రంగా ఉంచుకోవాలి. చీపురుతో చిమ్మకుండా బట్టతో తుడుచుకోవాలి. ఇంట్లో ఎవరినీ సిగరెట్లు కాల్చనీయొద్దు.
* దుప్పట్లు, దిండు కవర్లను వారానికోసారి శుభ్రంగా ఉతుక్కోవాలి. వీటిని వేడి నీటిలో జాడించి, ఎండలో ఆరబెట్టి వాడుకోవాలి.
* ఇంట్లో గోడల మీద తేమ, చెమ్మ లేకుండా చూసుకోవాలి.
*  అగరు బత్తీలు, దోమల బత్తీల పొగ సోకనీయొద్దు.
* కట్టెల పొయ్యి మీద వంట చేయొద్దు. గ్యాస్‌ పొయ్యి వాడుకోవాలి.
* తాళింపు వంటి ఘాటు వాసనలు పీల్చరాదు.
* పెంపుడు జంతువులకు దూరంగా ఉండాలి.
* తివాచీలు లేకుండా చూసుకోవాలి.
* వాతావరణం మారే సమయంలో జాగ్రత్తగా ఉండాలి. అవసరమైతే మాస్కులు పెట్టుకోవాలి.
* బయటకు వెళ్లినా జేబులో ఇన్‌హేలర్‌ పెట్టుకొని వెళ్లాలి.
* మానసిక ఒత్తిడికి గురికాకుండా చూసుకోవాలి.
* సమయానికి ఫ్లూ, న్యుమోనియా టీకాలు తీసుకోవాలి. ఇవి ఆస్థమా ఉద్ధృతం కాకుండా చూస్తాయి.