థైరాయిడ్‌ మతిమరుపు

థైరాయిడ్‌ గ్రంథి సరిగా పనిచేయని (హైపోథైరాయిడిజమ్‌) వృద్ధులకు మతిమరుపు (డిమెన్షియా) ముప్పు పెరిగే అవకాశముందని తాజా అధ్యయనం ఒకటి పేర్కొంటోంది. థైరాయిడ్‌ గ్రంథి సరిగా పనిచేయనప్పుడు దీన్నుంచి ఉత్పత్తి అయ్యే హార్మోన్ల మోతాదులు తగ్గుతాయి. దీంతో జీవక్రియల వేగం నెమ్మదిస్తుంది. అలసట, బరువు పెరగటం, చలి పెట్టటం వంటి లక్షణాలూ ఉంటాయి. కొందరిలో ఇది మతిమరుపునూ తెచ్చిపెట్టొచ్చని అధ్యయనానికి నేతృత్వం వహించిన చీన్‌-సియాంగ్‌ వెంగ్‌ చెబుతున్నారు. ఇందులో తేలిన ఫలితాలను నిర్ధరించటానికి మరిన్ని అధ్యయనాలు చేయాల్సిన అవసరముందనీ అంటున్నారు. ఏదేమైనా హైపోథైరాయిడిజమ్‌తో మతిమరుపు వచ్చే అవకాశముందని గ్రహించటం ముఖ్యమని వివరిస్తున్నారు. థైరాయిడ్‌ హార్మోన్‌ మాత్రలు వేసుకునేవారితో పోలిస్తే వేసుకునేవారికి మతిమరుపు ముప్పు మరింత ఎక్కువగా ఉంటుండటం గమనార్హం. దీనర్థం మందులతో మతిమరుపు వస్తుందని కాదు. హైపోథైరాయిడిజమ్‌ లక్షణాలు ఎక్కువగా గలవారికి చికిత్స అవసరమవటం కారణం కావొచ్చని భావిస్తున్నారు.