యుక్త వ్యాయామం
యుక్తవయసులో చాలామంది వ్యాయామాన్ని పెద్దగా పట్టించుకోరు. చిన్న వయసే కదా వ్యాయామం చేస్తే ఎంత? చేయకపోతే ఎంత? అని అనుకుంటుంటారు. నిజానికి యుక్తవయసులో చేసే వ్యాయామాలు భావి ఆరోగ్యానికి మార్గం చూపుతాయి. యుక్తవయసు పిల్లలు రోజుకు గంట, అంతకన్నా
యుక్తవయసులో చాలామంది వ్యాయామాన్ని పెద్దగా పట్టించుకోరు. చిన్న వయసే కదా వ్యాయామం చేస్తే ఎంత? చేయకపోతే ఎంత? అని అనుకుంటుంటారు. నిజానికి యుక్తవయసులో చేసే వ్యాయామాలు భావి ఆరోగ్యానికి మార్గం చూపుతాయి. యుక్తవయసు పిల్లలు రోజుకు గంట, అంతకన్నా ఎక్కువ సేపు శారీరక శ్రమ చేయాలన్నది నిపుణుల సూచన. వీటిల్లో ఎక్కువభాగం ఏరోబిక్ వ్యాయామాలు.. అంటే గుండె వేగాన్ని పెంచే సైకిల్ తొక్కటం, డ్యాన్స్, పరుగు వంటివి ఉండేలా చూసుకోవాలి. తర్వాత కొద్ది నిమిషాలు బరువులు ఎత్తటం, పుషప్స్, బిగుతైన రబ్బరు బ్యాండ్లను లాగటం వంటి బలాన్ని పెంచే వ్యాయామాలు చేయాలి. ఇవి కండరాలు బలోపేతం కావటానికి, జీవక్రియలు పుంజుకోవటానికి తోడ్పడతాయి. కావాలంటే ఇలాంటి వ్యాయామాలను ఇంట్లోనే చేసుకోవచ్చు. వీటికి ప్రత్యేకమైన పరికరాలేవీ అవసరం లేదు. జిమ్లకు వెళ్లాల్సిన పనిలేదు. వీటిల్లో తేలికైన వ్యాయామాలూ ఎన్నో ఉన్నాయి. అలాంటి కొన్ని వ్యాయామాలు ఇవీ.
ఒక వ్యాయామం చేశాక కాసేపు విశ్రాంతి తీసుకొని మరోటి చేయాలి. ఒకో వ్యాయామాన్ని ఎన్నిసార్లు చేయాలన్నది వీలును బట్టి నిర్ణయించుకోవాలి. క్రమంగా సంఖ్యను పెంచుకుంటూ రావాలి.
కూర్చొని వెనక్కు
* నేల మీద కూర్చొని, మోకాళ్లు పైకి ఉండేలా కాళ్లను వంచాలి.
* చేతులను ముందుకు తిన్నగా చాచాలి.
*నెమ్మదిగా తల, భుజాలను లాగుతూ వెనక్కు వాలటానికి ప్రయత్నించాలి.
* చేతులు తిన్నగా, కడుపు బిగుతుగా ఉండేలా చూసుకోవాలి.
* వీలైనంతవరకు వెనక్కు వాలాలి.
*కాసేపు అలాగే ఉండి, నెమ్మదిగా యథాస్థితికి రావాలి.
* 10-15 సార్లు ఇలాగే చేయాలి.
కుర్చీ గుంజీలు
* వెనకాల కుర్చీ వేసుకొని, తిన్నగా నిల్చోవాలి.
* చేతులను ముందుకు చాచాలి.
*చేతులను వంచకుండా నెమ్మదిగా కుర్చీ మీద కూర్చోవటానికి ప్రయత్నించాలి.
* పిరుదులు కుర్చీకి తాకకముందే ఆగాలి.
* నెమ్మదిగా లేస్తూ, తిరిగి తిన్నగా నిల్చోవాలి.
* 5-10 సార్లు ఇలాగే చేయాలి.
సీతాకోకచిలుక శ్వాస
* పాదాలు కాస్త ఎడంగా పెట్టి, తిన్నగా నిల్చోవాలి.
* రెండు చేతులను పక్కలకు చాచాలి.
*శ్వాసను వదులుతూ కుడి మోకాలిని పైకి లేపి, ఎడమ మణికట్టుతో తాకాలి.
* శ్వాసను తీసుకుంటూ యథాస్థితికి రావాలి.
* శ్వాసను వదులుతూ ఎడమ మోకాలిని పైకి లేపి, కుడి మణికట్టుతో తాకాలి.
* శ్వాసను తీసుకుంటూ యథాస్థితికి రావాలి.
* ఇలా 8-15 సార్లు చేయాలి.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
జైల్లో కేజ్రీవాల్కు ఇన్సులిన్.. మరి ఇప్పుడు ఎందుకు ఇచ్చారన్న ఆప్
-
టీ20 వరల్డ్ కప్లో ఓపెనర్లుగా గంగూలీ ఛాయిస్ వీళ్లే..!
-
గాల్లో ఢీకొన్న రెండు హెలికాప్టర్లు.. 10 మంది నేవీ సిబ్బంది మృతి
-
చెపాక్లో చూసుకుందాం.. లఖ్నవూపై చెన్నై ప్రతీకారం తీరేనా?
-
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
-
లాభాల్లో స్టాక్ మార్కెట్ సూచీలు.. 22,400 పైన నిఫ్టీ