10 నిమిషాలు పరుగెత్తినా..

వ్యాయామం చేయటానికి సమయం దొరకటం లేదని చింతిస్తున్నారా? ఎక్కువగా కాదు, కనీసం 10 నిమిషాలు కేటాయించినా చాలు. దీంతో మానసిక ఆరోగ్యం మెరుగవుతుంది. ఒకమాదిరి వేగంతో పది నిమిషాలు పరుగెత్తినా మెదడులో మూడ్‌ను, జ్ఞాపకశక్తిని, ఆలోచనల తీరును నియంత్రించే భాగానికి రక్త ప్రసరణ పుంజుకుంటున్నట్టు యూనివర్సిటీ ఆఫ్‌ సుకుబ అధ్యయనం పేర్కొంటోంది మరి. పరుగెడుతున్నప్పుడు శరీర నియంత్రణ, కదలికలు, వేగం వంటివనీ ఒక సమన్వయంతో సాగుతాయి. ఇవి మెదడు చురుకుగా పనిచేయటానికీ తోడ్పడతాయి. వ్యాయామం చేసినప్పుడు మనసుకు హాయిని చేకూర్చే ఎండార్ఫిన్లనే హార్మోన్లూ విడుదలవుతాయి. ఇవి మూడ్‌ మెరుగుపడటానికి దోహదం చేస్తాయి.