సానుకూల కృతజ్ఞత!

భావోద్వేగాలను అదుపులో ఉంచుకోవాలనుకుంటున్నారా? కృతజ్ఞత భావాన్ని అలవరచుకోండి. ఎవరైనా సాయం చేసినప్పుడో, ఏదైనా బహుమతి ఇచ్చినప్పుడో ‘ధన్యవాదాలు’ చెప్పటం మామూలే. ఇది కేవలం మాటలకే పరిమితమయ్యేది కాదు. మానసికంగానూ దీర్ఘకాలం మంచి ప్రభావం చూపుతుంది. ఆనందాన్ని కలిగిస్తుంది. సానుకూల భావనలు పెంపొందిస్తుంది. సహజ యాంటీ డిప్రెసెంట్‌గానూ పనిచేస్తుంది. కృతజ్ఞతలు తెలిపినప్పుడు, స్వీకరించినప్పుడు మెదడులో డొపమైన్‌, సెరటోనిన్‌ అనే నాడీ సమాచార వాహకాలు విడుదలవుతాయి. ఇవి మనసును ఉల్లాసంగా, ఉత్సాహంగా ఉంచుతాయి. ఇతరులకే కాదు.. మనకు మనమూ, ప్రకృతికీ కృతజ్ఞతలు చెప్పుకోవచ్చు. నిద్రలేవగానే ఇందుకు కొంత సమయం కేటాయించుకోవచ్చు.