యాపిల్‌ జ్ఞాపకం!

మతిమరుపు తగ్గటానికి బాదం బాగా ఉపయోగపడుతుంది. ఐదారు బాదం గింజలను గంటసేపు నీటిలో నానబెట్టి, పొట్టుతీయాలి. వీటిని గంధం చెక్క సాయంతో బండ మీద రుద్ది ముద్ద చేసి మజ్జిగలో కలిపి తాగాలి. విడిగానైనా తీసుకోవచ్చు. అక్రోట్లు (వాల్‌నట్‌) కూడా మంచివే. వీటిని ఎండుద్రాక్ష లేదా అంజీరతో కలిపి తింటే ఇంకా ఎక్కువ గుణం కనిపిస్తుంది. జ్ఞాపకశక్తి పెరగటానికి యాపిల్‌ కూడా దోహదం చేస్తుంది. ఇందులో గ్లూటమిక్‌ ఆమ్లం సంశ్లేషణకు తోడ్పడే విటమిన్‌ బి1, ఫాస్ఫరస్‌, పొటాషియం వంటి విటమిన్లు, ఖనిజాలెన్నో ఉన్నాయి. ఈ ఆమ్లం నాడీ కణాలు దెబ్బతినకుండా కాపాడుతుంది. యాపిళ్లను తేనె లేదా పాలతో తీసుకుంటే చికిత్సగా ఉపయోగపడుతుంది. ఇది నాడులను పునరుత్తేజితం చేసి, కొత్త శక్తిని ప్రసాదిస్తుంది.