వంటింటి దినుసులతోనే వాపును ఎదుర్కొందాం!
మనం ప్లేగు, క్షయ వంటి ఎన్నో రకాల మొండి వ్యాధులను జయించాం. యాంటీబయాటిక్స్తో ఇన్ఫెక్షన్లను తేలికగానే వదిలించుకుంటున్నాం. అత్యాధునికమైన
వంటింటి దినుసులతోనే వాపును ఎదుర్కొందాం!
మనం ప్లేగు, క్షయ వంటి ఎన్నో రకాల మొండి వ్యాధులను జయించాం. యాంటీబయాటిక్స్తో ఇన్ఫెక్షన్లను తేలికగానే వదిలించుకుంటున్నాం. అత్యాధునికమైన చికిత్సలతో గుండె జబ్బులు, పక్షవాతం, ఉబ్బసం వంటి చాలా వ్యాధులనూ సమర్థంగానే ఎదుర్కొనగలుగుతున్నాం. కానీ ఒక రకంగా ఈ గుండెజబ్బుల వంటివన్నీ మనం తీసుకునే ఆహారం, మన రోజువారీ ఆలవాట్లు, శారీరక వ్యాయామం వంటివాటితో బలంగా ముడిపడిన వ్యాధులు. అందుకే వీటిని జీవనశైలీ వ్యాధులని కూడా అంటున్నారు. క్యాన్సర్తో సహా ఇలాంటి జీవనశైలీ జబ్బులను లోతుగా పరిశోధించినప్పుడు ఇలాంటి చాలా వ్యాధులకు మూలం.. మన ఒంట్లో తలెత్తే ‘వాపు’ ప్రక్రియలో కనబడుతోంది. ఒకరకంగా మనకు ‘వాపు’ అనేది తెలియనిదేం కాదు. దెబ్బ తగిలితే అక్కడ వాస్తుంది. బెణికితే వాస్తుంది. ఇదంతా బయటి నుంచి జరిగిన నష్టానికి మన శరీరం స్పందన. ఆ నష్టాన్ని పూడ్చుకునే, దెబ్బను మాన్పుకునే ప్రక్రియలో భాగం. ఈ వాపు పైకి కనిపిస్తుంది కాబట్టి మనం దీన్ని గుర్తిస్తున్నాం. అయితే ఇలా బయటకు కనిపించకుండా.. మన లోలోపల రకరకాల అవయవాల్లో, రకరకాల వ్యవస్థల్లో కూడా వాపు లాంటి మార్పు తలెత్తుతుంటుంది. దీన్నే ‘ఇన్ఫ్లమేటరీ ప్రాసెస్’ అంటారు. ఇప్పుడు మనం ఎదుర్కొంటున్న చాలా రకాల దీర్ఘకాలిక సమస్యలకు లోలోపల ఈ ‘వాపు’ తరహా మార్పులు కారణమవుతున్నాయని ఆధునిక వైద్యరంగం స్పష్టంగా గుర్తించింది. ముఖ్యంగా గుండె జబ్బులు, పక్షవాతం, కొన్ని రకాల క్యాన్సర్లు, కీళ్లవాపులు, కొన్ని రకాల చర్మవ్యాధులు.. వీటన్నింటి వెనకా... ఎంతోకొంత ఈ ‘వాపు’ మార్పుల పాత్ర ఉంటోందని తేలటం విశేషం. కాబట్టి వాపు తరహా మార్పులను ముందు నుంచీ సమర్థంగా ఎదుర్కొంటే మనం చాలా రకాల జబ్బులను మూలాల్లోనే నివారించుకోవచ్చు. అందుకోసమే ఈ ‘వాపు’కు తేలికైన విరుగుడు కనుగొనేందుకు వైద్యపరిశోధనా రంగం విస్తృతంగా కృషి చేస్తోంది. అదృష్టవశాత్తూ.. దీన్ని ఎదుర్కొనటంలో మనం రోజువారీ ఇంట్లో వాడుకునే రకరకాల ఆహార పదార్ధాలు, ముఖ్యంగా కొన్ని రకాల దినుసులు, సుగంధ ద్రవ్యాలు బాగానే ఉపకరిస్తున్నాయని బయటపడింది. ముఖ్యంగా పసుపు, వెల్లుల్లి వంటి వాటిలో ఉండే మూల ద్రవ్యాలు- వాపునూ, మన శరీరంలో ఒక పరంపరగా అది సృష్టించే విలయాన్నీ నివారించటంలో కొంత ముఖ్యపాత్రే పోషిస్తున్నాయని గుర్తించారు. ఈ నేపథ్యంలో రోజూ పాలలో పసుపు వేసుకుని తాగటమన్నది ఇటీవలి కాలంలో తరచూ చర్చల్లోకి వస్తోంది. ఇది ఏకంగా ‘గోల్డెన్ మిల్క్’ పేరుతో విస్తృత ప్రాచుర్యంలోకి వస్తోంది. ఇవన్నీ చిరకాలంగా మనకు తెలిసినవే అయినా.. వీటికి సరికొత్త ఆరోగ్య ప్రయోజనాలున్నాయని, ఇవి ఆధునిక కాలంలో మనల్ని వేధిస్తున్న చాలా వ్యాధులకు విరుగుడుగా కూడా పని చేస్తాయని తేలటం.. మనం తప్పకుండా గుర్తించాల్సిన విశేషం.
అల్లం: వాపు రావటంలో.. ఒంట్లో విశృంఖలంగా తిరిగే ‘ఫ్రీర్యాడికల్స్’ పాత్ర ఎక్కువ. వీటి ఉత్పత్తిని ఎదుర్కొనే రసాయనాలు అల్లంలో ఉన్నాయి.
కారం: మిర్చిలోని క్యాప్సియాసిన్ అనే ప్రత్యేక రసాయనం వాపుల కారణంగా తలెత్తే నొప్పుల నుంచి ఉపశమనం కలిగిస్తుంది. దాల్చించెక్క: వాపు ప్రక్రియ తలెత్తితే ‘ఎన్ఎఫ్-కప్పా బి’ అనే ప్రోటీన్ విడుదలై చాలా నష్టం చేస్తుంది. దీన్ని అడ్డుకోవటంలో దాల్చినచెక్క ఉపయోగపడుతుంది. లవంగాలు: లవంగాల్లోని ఇరోజినాల్ అనే ప్రత్యేక రసాయనానికి వాపులకు కారణమయ్యే కాక్స్2 అనే ఎంజైమ్ని అడ్డుకునే శక్తి ఉంది. వెల్లుల్లి: ఆర్థరైటిస్ కారణంగా తలెత్తే నొప్పులు, వాపుల నివారణిగా వెల్లుల్లి చక్కగా ఉపకరిస్తుంది. నొప్పులకు కారణమయ్యే నైట్రిక్ఆక్సైడ్, ప్రోస్టోగ్లాడ్సిన్స్ విడుదలని అడ్డుకుంటుంది. నల్లమిరియాలు: మిరియాల్లోని పెపరైన్ నొప్పులని, వాపులని కూడా అదుపులో ఉంచుతుంది. |
పసిడిపాలు! పాలల్లో చిటికెడు పసుపు వేసుకుని తాగడం... దీన్ని పాతకాలం నాటి బామ్మల చిట్కాగా కొట్టిపారేయకండి. ఎందుకంటే ఈ చిట్కా కేవలం దగ్గు, జలుబుల నుంచే కాకుండా.. శరీరంలోని అంతర్గత వాపుల (ఇన్ఫ్లమేషన్) నివారణకూ ప్రభావవంతంగా పనిచేస్తుంది. ఈ నేపథ్యంలో ప్రాచుర్యంలోకి వస్తోందే పసిడిపాలు!
పసిడిపాలు: దీన్నే గోల్డెన్ మిల్క్ అని వ్యవహరిస్తున్నారు. గోరువెచ్చని పాలల్లో అరచెంచా పసుపు వేసుకుని తాగితే ఇన్ఫ్లమేషన్ నుంచి ఉపశమనం కలుగుతుంది. పసుపులోని కర్క్యుమిన్ అనే శక్తివంతమైన పాలిఫినాల్కు గాయాలను మాన్పే గుణం, చీముపట్టకుండా చూసే లక్షణమే (యాంటిసెప్టిక్) కాదు.. యాంటిఆక్సిడెంట్ గుణాలూ దండిగా ఉన్నాయ. అందుకే పసుపు వేసిన పాలని తీసుకోవడం వల్ల వ్యాధినిరోధక శక్తి పెరుగుతుంది. ఈ పాలల్లోనే అరచెంచా మిరియాల పొడి వేసుకుంటే మరీ మంచిది. వీటకి తోడు దాల్చిన చెక్క, తేనె, దంచిన అల్లం కూడా కలుపుకోవచ్చు. ఇవి పడని వారు.. గుండెల్లో మంట, అసిడిటీ బాధలున్నవారు పసుపు వేసుకుంటే చాలు.
|
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
హెచ్డీఎఫ్సీ ఫలితాలు.. నికర లాభం రూ.17,622 కోట్లు
-
అనారోగ్య సమస్యలతో కేజ్రీవాల్ మరణించేలా కుట్ర: దిల్లీ మంత్రి సౌరభ్ భరద్వాజ్
-
‘ఇంకెవరూ మీ భార్యే..’: కోహ్లీ ఆన్సర్కు షాకైన దినేశ్ కార్తిక్
-
ఈనాడు.నెట్లో టాప్ 10 వార్తలు @ 5 PM
-
‘నానమ్మా.. మీ కోడలు పచ్చళ్లు సరిగ్గా చేయట్లేదా?’: ఉపాసన ఫన్నీ వీడియో
-
డేవిడ్, పొలార్డ్కు భారీ జరిమానా.. ‘డీఆర్ఎస్ సిగ్నల్’ వివాదమేనా కారణం?