Uses of menthulu: మధుమేహానికి మెంతులు
మెంతులు ప్రతి వంటింట్లోనూ ఉండేవే. ఇవి వంటకాల రుచిని పెంచటానికే కాదు. ఆరోగ్యానికీ ఎంతో మేలు చేస్తాయి. ఆయుర్వేదంలో వీటిని ప్రాచీన కాలం నుంచి ఔషధంగా వాడటం తెలిసిందే. మెంతుల్లో ఫోలిక్ యాసిడ్, రైబోఫ్లావిన్, రాగి, పొటాషియం,
మెంతులు ప్రతి వంటింట్లోనూ ఉండేవే. ఇవి వంటకాల రుచిని పెంచటానికే కాదు. ఆరోగ్యానికీ ఎంతో మేలు చేస్తాయి. ఆయుర్వేదంలో వీటిని ప్రాచీన కాలం నుంచి ఔషధంగా వాడటం తెలిసిందే.
- మెంతుల్లో ఫోలిక్ యాసిడ్, రైబోఫ్లావిన్, రాగి, పొటాషియం, క్యాల్షియం, ఐరన్, మాంగనీసుతో పాటు ఎ, బి6, సి, కె విటమిన్ల వంటి పోషకాలెన్నో ఉంటాయి.
- మధుమేహుల్లో గ్లూకోజు మోతాదులు తగ్గటానికీ మెంతులు ఉపయోగపడుతున్నట్టు భారతీయ వైద్య పరిశోధన మండలి నివేదిక పేర్కొంటోంది. వీటిల్లో నీటిలో కరిగే పీచు దండిగా ఉంటుంది.
- ఇది జీర్ణక్రియను, పిండి పదార్థాలను గ్రహించుకోవటాన్ని నెమ్మదింపజేస్తుంది. ఇలా రక్తంలో గ్లూకోజు నెమ్మదిగా కలిసేలా చేస్తుంది. ఫలితంగా గ్లూకోజు మోతాదులు అదుపులో ఉంటాయి.
- మెంతుల్లో 4-హైడ్రాక్సిస్ల్యూసిన్ అనే అమైనో ఆల్కనాయిక్ ఆమ్లం కూడా ఉంటుంది. ఇది ఇన్సులిన్ ఉత్పత్తిని పెంచటంతో పాటు కణాలు ఇన్సులిన్ను స్వీకరించేలా చూస్తుంది.
- ఇన్సులిన్ను ప్రేరేపించే గుణం గల 2-ఆక్సోగ్లుటేట్ అణువులు సైతం మెంతుల్లో ఉంటాయి. ఇవన్నీ గ్లూకోజు అదుపులో ఉండటానికి తోడ్పడేవే.
- ఇక వీటిల్లోని సోపోనిన్సు రక్తంలో కొలెస్ట్రాల్ తగ్గటానికీ దోహదం చేస్తాయి.
- మెంతుల పొడిని నేరుగా కూరల్లో వాడుకోవచ్చు. పిండిలో కలిపి రొట్టెలు చేసుకోవచ్చు.
- రాత్రిపూట మెంతులను నానబెట్టి తెల్లారి వాటిని వడగట్టి, నీళ్లు తాగొచ్చు. వేడి నీటిలో 10 నిమిషాల సేపు మెంతులను వేసి మూతపెట్టి, తర్వాత వడగట్టి తాగొచ్చు. కావాలంటే మెంతులతో టీ కూడా కాచుకొని వేడివేడిగా తీసుకోవచ్చు.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
విజయ్ మాల్యా అప్పుడు అలా అనడంతోనే..: కుంబ్లే
-
ఎక్స్ట్రా ఫీజుతో జొమాటోలో ఇక ఫాస్ట్ డెలివరీలు సేవలు..!
-
మస్క్ పేరుతో మస్కా.. మహిళకు రూ.41 లక్షలకు సైబర్ నేరగాడు టోకరా
-
మాజీ క్రికెటర్పై చిరుత దాడి.. కాపాడిన పెంపుడు శునకం
-
‘ఆ బ్లీచ్ జుట్టుకు చేరినట్టుంది’: ట్రంప్పై బైడెన్ వ్యక్తిగత విమర్శలు
-
323km రేంజ్.. 155km టాప్ స్పీడ్తో అల్ట్రావయోలెట్ కొత్త ఎలక్ట్రిక్ బైక్