నవ్వుల్‌.. నవ్వుల్‌..!

పాయింటే సుమీ!

తరుణ్‌: ఏంటి వరుణ్‌... అలా నీరసంగా ఉన్నావు.
వరుణ్‌: అన్నం తినలేదు తరుణ్‌.

తరుణ్‌: ఏ.. ఎందుకు?
వరుణ్‌: మా ఇంట్లో వంకాయ కూర. నాకు అది నచ్చదు.

తరుణ్‌: కూర నచ్చకుంటే.. కూర తినకు. అన్నం ఏం పాపం చేసింది. దాన్ని తినొచ్చు కదా!

వరుణ్‌: ఆఁ!!

ఇవన్నీ నేనే కనిపెట్టా...!

టీచర్‌: వెంకీ.. నువ్వు భవిష్యత్తులో ఏమవుతావు?
వెంకి: సైంటిస్టు అవుతా టీచర్‌.

టీచర్‌: గుడ్‌.. నువ్వు సైంటిస్టు అయితే ఏం కనిపెడతావు.
వెంకి: చాలా కనిపెడతా టీచర్‌. ఇప్పటికే నేను ఎన్నో కనిపెట్టాను తెలుసా?

టీచర్‌: అవునా.. అవి ఏంటో చెప్పు.
వెంకి: పాల నుంచి పెరుగు వస్తుంది.. కానీ పెరుగు నుంచి పాలు రావు. కుక్క తోకను ఊపుతుంది. కానీ తోక కుక్కను ఊపలేదు. నీళ్లు లేకుంటే చేపలు ఉండవు. కానీ చేపలు లేకున్నా నీళ్లుంటాయి. వేలికి ఉంగరం ఉంటుంది.. కానీ ఉంగరానికి వేలు ఉండదు. ఇంకా....

టీచర్‌: చాలు చాలు.. వెంకీ.. ఇక ఆపు!