చిటికెలో చక్కని టెడ్డీబేర్‌!

చూడండి..చెయ్యండి

టెడ్డీబేర్‌ బొమ్మ భలే ముద్దుగా ఉంటుంది కదూ! మరి మనం ఇంట్లోనే చిటికెలో ఎలా తయారు చేసుకుందామో తెలుసుకుందామా. దీనికోసం ఓ డస్టర్‌, అయిదు రబ్బరు బ్యాండ్లు, కొంచెం జిగురు, ఓ రంగు దారం, టెడ్డీబేర్‌కు అతికించడానికి పాత బొమ్మల నుంచి సేకరించిన కళ్లు తీసుకోండి. ఓ వేళ లేకపోయినా ఫర్వాలేదు. పెన్నుతోనూ గీసుకోవచ్చు. కాగితాన్ని గుండ్రంగా కత్తిరించుకుని.. దాని మీద టెడ్డీబేర్‌ ముక్కు, నోరు గీసి సిద్ధంగా పెట్టుకోండి.  
 

* ఇప్పుడు డస్టర్‌ నాలుగు మూలలకూ చిత్రంలో చూపించినట్లు రబ్బరు బ్యాండ్లు వేయండి.
*  ఇవి మనం తయారు చేయబోయే టెడ్డీబేర్‌కు చెవులు, కాళ్లన్నమాట.
*  మరో రబ్బరు బ్యాండ్‌ను తీసుకుని డస్టరు మధ్యలో వేయండి.
*  పై భాగం తల.. కిందభాగం పొట్టలా కనిపించేలా చేయండి.
*  ఇప్పుడు మధ్యలో వేసిన రబ్బరుపై చిత్రంలో చూపించినట్లు ఓ రంగు దారం చుట్టి ముడివేయండి.
*  పాత బొమ్మ నుంచి తీసి పెట్టుకున్న కళ్లను దీనికి అతికించండి.
*  తర్వాత గుండ్రంగా కత్తిరించి పెట్టుకున్న కాగితాన్నీ అతికించండి.
*  ఇంకేం చక్కని టెడ్డీబేర్‌ సిద్ధం. ఇలాంటివి మరికొన్ని చేసుకుని ఎంచక్కా షోకేస్‌లో పెట్టుకుంటే సరి.