ఫాక్‌ల్యాండ్‌ దీవులు కార్ల తాలాలు తీయరు...ఇళ్లకు తాలాలు వేయరు!

ఫాక్‌ల్యాండ్‌ దీవుల పతాకం నీలం రంగులో 1:2 పొడవు, వెడల్పులతో ఉంటుంది. బ్రిటిష్‌ పాలనలో ఉన్నట్టు గుర్తుగా జెండా పైభాగంలో బ్రిటిష్‌ సామ్రాజ్య చిహ్నం ఉంటుంది. పతాకం కిందిభాగంలో అలల్లో....

Published : 10 Apr 2016 01:52 IST

ఫాక్‌ల్యాండ్‌ దీవులు కార్ల తాలాలు తీయరు...ఇళ్లకు తాలాలు వేయరు!

రాజధాని: స్టాన్లీ,
జనాభా: 2,563,
విస్తీర్ణం:12,200 చ.కి.మి 
భాషలు: ఆంగ్లం,
కరెన్సీ: ఫాక్‌ల్యాండ్స్‌ పౌండ్‌

జెండా గురించి...

  * ఫాక్‌ల్యాండ్‌ దీవుల పతాకం నీలం రంగులో 1:2 పొడవు, వెడల్పులతో ఉంటుంది. బ్రిటిష్‌ పాలనలో ఉన్నట్టు గుర్తుగా జెండా పైభాగంలో బ్రిటిష్‌ సామ్రాజ్య చిహ్నం ఉంటుంది. పతాకం కిందిభాగంలో అలల్లో ఓ నావ దానిపై గడ్డి ఆ గడ్డిపై గొర్రె నిల్చుని ఉన్న చిహ్నం ఉంటుంది. ఇక్కడ సంప్రదాయ వ్యవసాయానికి, గొర్రెల పెంపకానికి ప్రతీకగా గొర్రె, ఇక్కడ మాత్రమే ఉండే టుస్సోక్‌ గడ్డికి గుర్తుగా గడ్డి, ఈ దేశాన్ని కనిపెట్టిన జాన్‌ డేవిస్‌ గుర్తుగా నావ ఉంటుంది.

* ఇక్కడ ఏటీఎం కేంద్రాలు అసలే ఉండవు. మొత్తంగా ఒకే ఒక బ్యాంకు ఉంటుంది.
* జనాభా మొత్తంలో 70 శాతం మంది బ్రిటిష్‌ సంతతికి చెందినవారే.
* ఆంగ్లం తర్వాత రెండో భాష స్పానిష్‌.
* ఈ ప్రాంతాన్ని మొదటగా గుర్తించింది 1592లో. కానీ పూర్తిగా తెలిసింది మాత్రం 1690లో.
* ప్రకృతిని ఇష్టపడే వారికి ఇదో మంచి పర్యటక ప్రాంతం. ఎలిఫెంట్‌ సీల్స్‌, సీ లయన్స్‌తో పాటు 220పైగా పక్షి జాతులుంటాయి.
దాదాపు అయిదు లక్షలకు పైగా పెంగ్విన్‌ జతలుంటాయి.

* మొత్తం 740 దీవుల సమూహమే ఫాక్‌ల్యాండ్‌ దీవులు.
* ఇది దక్షిణ అట్లాంటిక్‌ సముద్రంలో ఉంటుంది.
* ఇక్కడ జనాభా చాలా తక్కువ. అంతా కలిపి దాదాపు మూడువేలమంది లోపే ఉంటారు.
* ఇక్కడున్న గొర్రెలను మనుషులకు పంచితే ఒక్కొక్కరికీ 350 వస్తాయి. అంటే గొర్రెల సంఖ్యే చాలా ఎక్కువ.
* ఒకే ఒక పట్టణం ఉంటుంది. పేరు స్టాన్లీ. జనాభా మొత్తంలో దాదాపు 2500 మంది ఇక్కడే నివసిస్తారు. స్టాన్లీ కాకుండా ఇతర ప్రాంతాన్ని ‘క్యాంప్‌’ అని పిలుస్తారు. క్యాంపో అనే పదం నుంచి వచ్చిన ఈ మాటకు అర్థం స్పానిష్‌లో ‘దేశం వెలుపల’ అని.
* ‘ది పెంగ్విన్‌ న్యూస్‌’ పేరిట ఒకే ఒక వార పత్రిక మాత్రమే ఉంటుంది.
* నేరాల సంఖ్య చాలా తక్కువ. కొంతమంది కారు తాళాలు కారులోనే వదిలివెళతారు. ఇక్కడ కొన్ని ఇళ్లకు తలుపులు కూడా ఉండవు.
* ఫోను నెంబరు అయిదు అంకెల్లో మాత్రమే ఉంటుంది. ఈ దేశంలో మొబైల్‌ ఫోన్ల వాడకం 2005 నుంచే మొదలైంది.
* ప్రపంచం మొత్తంగా ‘బ్లాక్‌ బ్రౌడ్‌ అల్బట్రోస్‌’ అనే సముద్ర పక్షుల్లో 70 శాతం ఇక్కడే ఉన్నాయి.


Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని