అరటిపళ్లు... చర్చిలు... అక్కడే ఎక్కువ!

అరటిపళ్లు... చర్చిలు... అక్కడే ఎక్కువ!

---

 

 

రాజధాని: కింగ్‌స్టన్‌

జనాభా: 29,50,210
విస్తీర్ణం: 10,991
చదరపు కిలోమీటర్లు
భాషలు: ఆంగ్లం
కరెన్సీ: జమైకన్‌ డాలర్‌

 

---

 

జెండా

నలుపు రంగు కష్టాలను అధిగమించడానికి సూచన అయితే, బంగారువర్ణం సహజ సంపదకూ, సూర్యకాంతికీ గుర్తు, ఆకుపచ్చ రంగు ఆశాభావానికీ, వ్యవసాయ వనరులకూ సూచన.

* జమైకా కరీబియన్‌ సముద్రంలో ఉన్న ద్వీప దేశం. సార్వభౌమ దేశమే అయినా లాంఛన చక్రవర్తిగా బ్రిటన్‌ ఎలిజబిత్‌ వ్యవహరిస్తారు.

---

 

* ప్రపంచంలోనే అత్యధిక చర్చిలున్న ప్రాంతమిది. 1600 చర్చిలతో గిన్నిస్‌ రికార్డుకెక్కింది.

* ఉత్తర అమెరికా, కెనడాల తర్వాత అత్యధిక శాతం ప్రజలు ఆంగ్లం మాట్లాడేది ఇక్కడే.

* 116 దేశాల్లోని ప్రజలు వీసా లేకున్నా జమైకాకు వెళ్లవచ్చు. ఇలా అనుమతి లభించిన దేశాల్లో మన దేశమూ ఉంది.

 

 

---

* ప్రపంచంలోనే రెండో అతి పెద్ద సీతాకోక చిలుక ‘స్వాలోటేల్‌’ నివాసం ఈ దేశమే.

 

 

---

* ఇక్కడ కేవలం ఎనిమిది జాతుల పాములు ఉంటాయి. అవి కూడా విషరహితమైనవి. 1872లో చెరకు తోటలను ధ్వంసం చేస్తున్న ఎలుకల్ని చంపడానికి ఈ ప్రాంతానికి ముంగిసల్ని తీసుకొచ్చారట. ఎలుకలతో పాటు అవి పాముల పని కూడా పట్టడంతో ఈ దీవిలో పాముల సంఖ్య బాగా తగ్గిపోయింది.

 

---

 

* ప్రఖ్యాత పరుగుల వీరులు ఉస్సేన్‌ బోల్ట్‌, యోహాన్‌ బ్లేక్‌లు ఇక్కడి వారే.

---

 

* 200కి పైగా ఆర్కిడ్‌ పూల జాతులున్నాయి.

* ప్రపంచంలో అత్యధికంగా అరటి పండ్లని ఎగుమతి చేసే దేశం ఇదే.

* జేమ్స్‌బాండ్‌ సృష్టికర్త ఇయాన్‌ ఫ్లెమింగ్‌ జమైకాలోనే ‘గోల్డెన్‌ఐ’ పేరిట సొంత ఇల్లు కట్టుకున్నారు.

* ప్రాచుర్యం పొందిన ‘రెగే’ సంగీత శైలి పుట్టింది ఇక్కడే.

* ఈ ద్వీపదేశం చిన్నదే అయినా పర్యటకానికి పేరు పొందింది. ఏటా పదిలక్షలకు పైగా సందర్శకులు వస్తుంటారు.

---