టై పుట్టింది ఇక్కడే

టై పుట్టింది ఇక్కడే

రాజధాని: జాగ్రెబ్‌
జనాభా: 42,84,889
విస్తీర్ణం: 56,594 చదరపు కిలోమీటర్లు
భాష: క్రొయేషియన్‌
కరెన్సీ: కునా

జెండా: తెలుపు రంగు శాంతికి, నిజాయితీకి గుర్తు, ఎరుపు రంగు దృఢత్వానికి, ధైర్యానికి సూచిక, నీలం రంగు విధేయత, న్యాయానికి చిహ్నం.

* దేశ రాజధాని జాగ్రెబ్‌లో ‘బ్రోకెన్‌ రిలేషన్‌షిప్స్‌’ పేరిట ఓ వింత మ్యూజియం ఉంది. విడిపోయిన జంటలు తాము కలిసి ఉన్నప్పటి నాటి గుర్తుల్ని ఇందులో ఉంచుతారు.

* క్రొయేషియా దేశం మధ్య ఐరోపా, ఆగ్నేయ ఐరోపా, మధ్యధరా సముద్రాల కూడలిలో ఉంది. ఈ దేశం మొత్తంలో వెయ్యి ద్వీపాలున్నాయి. వీటిలో 50 దీవులు నివాసయోగ్యం కానివి.

* ఇది స్వతంత్ర దేశం.

* ప్రపంచంలోనే అతి చిన్న పట్టణం ఇక్కడే ఉంది. పేరు హమ్‌. ఇక్కడ 17 నుంచి 23 మంది మాత్రమే ఉంటారు.

* ఇక్కడ 16 ఏళ్లకు కూడా ఓటు వేసే హక్కు లభిస్తుంది. కానీ వారికి ఉద్యోగం ఉంటేనే!

* ఇక్కడ అయిదున్నర కిలోమీటర్ల పొడవైన స్టోన్‌ వాల్స్‌ కోట గోడను చూడ్డానికి పర్యటకులు ఎక్కువగా వస్తుంటారు.

* ఇక్కడుండే ‘కోపాకీ రిట్‌ నేచర్‌ పార్కు’ ఐరోపా మొత్తంలో అతిపెద్ద తడినేలల రక్షిత ప్రాంతం.

* హుందాతనానికి గుర్తుగా భావించే ‘టై’ని కనిపెట్టింది ఈ దేశంలోనే.

* ఇక్కడే ‘స్లావోల్‌జబ్‌ పెన్‌కల’ అనే ఆవిష్కర్త 1906లో బాల్‌పాయింట్‌ పెన్నును తయారు చేశారు.

* ప్రముఖ విద్యుత్తు ఉపకరణాల ఆవిష్కర్త నికోలా టెస్లా వూరు ఇక్కడే ఉంది. టెస్లా మ్యూజియంగా మలిచిన ఈయన ఇంటికి ఎందరో పర్యటకులు వస్తుంటారు.

 * మూడో వంతు అడవులే ఉన్నాయి.

* ఇక్కడి ‘బ్రాక్‌’ అనే దీవిలో ఉన్న ‘జ్లాట్నిరాట్‌’ బీచ్‌ వింతగా ఉంటుంది. గాలివాటాన్ని బట్టి ఇది రంగుల్నీ, ఆకారాన్నీ మార్చుకుంటూ ఉంటుంది.

* మన రుద్రమదేవి పాలన గురించి రాసిన నావికుడు మార్కోపోలో పుట్టింది క్రొయేషియాలోనే.

* ‘డాల్మేషియా కుక్క జాతి’ ఇక్కడిదే. ఇక్కడి డాల్మేషియా ప్రాంతంలో పుట్టింది కాబట్టి దీనికీ పేరొచ్చింది.