డబ్బుల సంతలుంటాయిక్కడ!

డబ్బుల సంతలుంటాయిక్కడ!
సోమాలియా

* ఆఫ్రికా ఖండంలోని వెనుకబడిన చిన్న దేశం సోమాలియా.

* పడమరన ఇథియోపియా, వాయువ్యంలో డిజిబౌటి, నైరుతిలో కెన్యా, మిగిలిన వైపుల హిందూ మహా సముద్రం దీనికి సరిహద్దులు.

* గతంలో ఇది బ్రిటన్‌, ఫ్రాన్స్‌ల అధీనంలో ఉండేది. 1960లో వారి నుంచి పూర్తి స్వాతంత్య్రం పొందింది.

* దేశం: సోమాలియా రాజధాని: మొగాదిషు జనాభా: దాదాపు 1,23,16,895 విస్తీర్ణం: 6,37,657 చదరపు కిలోమీటర్లు కరెన్సీ: సోమాలి షిల్లింగ్‌ అధికారిక భాషలు: సోమాలి, అరబిక్‌

* జెండా: మొత్తం నీలం రంగులో ఉండే జెండా మధ్యలో తెల్లటి నక్షత్రం ఉంటుంది. అది సోమాలియాలోని వివిధ తెగల ప్రజల ఐక్యతకు నిదర్శనం.

* వ్యవసాయమే ఇక్కడి వారి ప్రధాన జీవనాధారం. మొక్కజొన్న, అరటి... లాంటి వాటిని పండిస్తారిక్కడ.

* ఆకలి చావులు అధికంగా ఉన్న పేద దేశమిది.

* అక్షరాస్యత చాలా తక్కువ (కేవలం 38 శాతమే).

* ఇక్కడి పౌరుల్లో చాలామంది సముద్ర దొంగలే. ఓడల్ని దోచుకుంటూ జీవనం సాగిస్తారు.

*  ప్రభుత్వానికి ఎవరూ సరిగ్గా పన్నులు కట్టరు. దీంతో ప్రభుత్వానికి ఎప్పుడూ డబ్బు కొరతే.

* వీరి కరెన్సీ విలువా చాలా తక్కువే. మన రూపాయికి 11 సోమాలి షిల్లింగులు వస్తాయి.

* విచిత్రంగా ఇక్కడ డబ్బుల సంతలు ఉంటాయి. విదేశీయులు ఎవరైనా అక్కడ తమ డబ్బును మార్చుకోవచ్చు. మనం ఏడువందల రూపాయలిస్తే దాదాపు 5కిలోలకు పైగా బరువున్న సోమాలి షిల్లింగు కట్టల్ని సంచిలో మోసుకు వెళ్లాల్సిందే.

* ఇక్కడ అతి ఎత్తైన పర్వత ప్రాంతం షింబిరిస్‌. సముద్ర మట్టానికి ఇది 2,416 మీటర్ల ఎత్తులో ఉంటుంది. * ఇక్కడ రవాణా, పాలు, మాంసానికి ఎక్కువగా ఒంటెలపైనే ఆధారపడతారు.

* అచ్చం జారుడు బల్లలా ఉండే లమాదయా జలపాతాన్ని ఇక్కడ చూడొచ్చు.

* దీనికి పొడవైన తీర రేఖ ఉంది. బీచ్‌లు ఎక్కువే ఉన్నా ఇక్కడ నేరాల రేటు చాలా ఎక్కువ. అందుకే విదేశీయులు ఇక్కడ పర్యటించేందుకు భయపడతారు.

* ఆఫ్రికాలో అతి తక్కువ ఫోన్‌ కాల్‌ ధరలున్నది ఇక్కడే.

* ప్రధాన నదులు షిబెల్లే, జుబే.