రోజూ పది భూకంపాలు!
వేల దీవులు. అన్నీ కలిపి ఒకటే దేశం. అదే ఫిలిప్పీన్స్. ఇక్కడ ఏదో ఒక చోట రోజూ భూకంపాలు వస్తూనే ఉంటాయి. సరాసరిన చూసుకుంటే రోజుకు పది నుంచి ఇరవై భూకంపాలు సంభవిస్తాయట....
ఫిలిప్పీన్స్
రోజూ పది భూకంపాలు!
వేల దీవులు. అన్నీ కలిపి ఒకటే దేశం. అదే ఫిలిప్పీన్స్. ఇక్కడ ఏదో ఒక చోట రోజూ భూకంపాలు వస్తూనే ఉంటాయి. సరాసరిన చూసుకుంటే రోజుకు పది నుంచి ఇరవై భూకంపాలు సంభవిస్తాయట. అందుకు కారణం ఏంటో తెలుసా?
కొండల్లో వ్యవసాయం * ఇక్కడ కొండలు ఎక్కువ. అందుకే రెండు వేల ఏళ్ల క్రితం నుంచే ఇక్కడి వారు కొండలపై వ్యవసాయం చేస్తున్నారు. వాటికి గట్లుగట్లుగా కట్టి చదును చేసి వరి పండిస్తారు. వీటిని ‘ఫిలిపైన్ కార్డిలెరాస్’ అని పిలుస్తారు. యునెస్కో వీటిని ప్రపంచ వారసత్వ సంపదగానూ గుర్తించింది. |
దేశం: ఫిలిప్పీన్స్ రాజధాని: మనీలా జనాభా: 10,54,43,686 విస్తీర్ణం: 300,000 చదరపు కిలోమీటర్లు అధికారిక భాషలు: ఫిలిప్పినో, ఇంగ్లిష్ కరెన్సీ: పెసో |
మాటల్లేవ్...మాట్లాడుకోవడాల్లేవ్! * ఇక్కడి వారు టెక్ట్స్ మెసేజింగ్ని చాలా ఎక్కువగా వాడతారు. అందుకే దీనికి ‘టెక్స్ట్ క్యాపిటల్ ఆఫ్ ద వరల్డ్’ అనే ముద్దుపేరూ ఉంది. ఇక్కడున్న పదికోట్లకు పైగా జనం రోజుకు నలభైకోట్లకు పైగా మెసేజ్లు పంపుతారట. * ప్రజా రవాణాలో జీప్నీస్ అనే వాహనాలు ఇక్కడే కనబడతాయి. రెండో ప్రపంచ యుద్ధం సమయంలో 1940ల్లో అమెరికా సైనికులు తిరిగేందుకు ఇక్కడకి జీపుల్ని తీసుకొచ్చారు. తర్వాత వాళ్లు వాటిని ఇక్కడే వదిలి వెళ్లిపోయారు. వాటిని మినీ బస్సుల్లా తయారు చేసి ఇప్పుడు ప్రజా రవాణా కోసం వాడేస్తున్నారిక్కడ. |
మంకీ ఈటింగ్ ఈగల్!
* వీరి జాతీయ పక్షి ‘మంకీ ఈటింగ్ ఈగల్’. ఇది ఇక్కడ మాత్రమే ప్రత్యేకం. గద్దల్లో అతి పెద్దది. ఏకంగా కోతుల్నే చంపి తింటుంది. దీని రెక్కల్ని పూర్తిగా విప్పితే ఆ పొడవే ఆరడుగుల పైన ఉంటుంది. అయితే ఇప్పుడు ఇవి ఇక్కడ అంతరించిపోయే దశలో ఉన్నాయట. |
జెండాలోని ఎరుపు గతంలోని యుద్ధ సమయానికి, నీలం ఇప్పటి శాంతికి చిహ్నం. తెలుపు ఐక్యతకు, సమానత్వానికి గుర్తు. |
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.