రోడ్ల కింద నదులు పారుతాయ్‌!

నగరం: లండన్‌
దేశం: ఇంగ్లండ్‌
విస్తీర్ణం: 1,572 చదరపు కిలోమీటర్లు
జనాభా: 87 లక్షల 87 వేలకుపైమాటే
‌* లండన్‌ నగరం మీదుగా థేమ్స్‌ నది ప్రవహిస్తుంటుంది.‌

* ఇక్కడి లండన్‌ బ్రిడ్జ్‌ ప్రత్యేక ఆకర్షణ.

* ఈ నగరంలోని మరో ప్రత్యేక ఆకర్షణ ‘లండన్‌ ఐ’. 2006 వరకు ఇదే ప్రపంచంలోని అతి పెద్ద ఫెర్రీస్‌ వీల్‌.

‌ 

* ప్రపంచంలో ఎక్కువగా పర్యాటకుల్ని ఆకట్టుకునే ప్రాంతమిది. 2014 సంవత్సరంలోనే కోటీ 60 లక్షల మంది సందర్శించారీ నగరాన్ని.
‌* బిగ్‌ బెన్‌... ప్రపంచంలో గంటలు కొట్టే అతి పెద్ద నాలుగు ముఖాల గడియారం.
‌* లండన్‌ ఎంతో వైవిధ్యం ఉన్న నగరం. వివిధ జాతుల, మతాల, సంస్కృతుల సమ్మేళనం. ఈ నగరంలో మాట్లాడే భాషల సంఖ్య 300. వీటిల్లో బెంగాలీ, గుజరాతీ, పంజాబీ వంటి బోలెడు భాషలున్నాయి.

‌

* గొప్ప చరిత్ర, అద్భుతమైన ఆర్కిటెక్చర్‌ ఈ నగరం సొంతం.
‌* ప్రపంచంలోని పది ప్రసిద్ధ మ్యూజియాల్లో మూడు ఇక్కడే ఉన్నాయి. 860 ఆర్ట్‌ గ్యాలరీలతో కొలువై ఉంటాయివి.
‌* మొదటిసారిగా భూగర్భరైల్వే వ్యవస్థ ఏర్పాటైంది ఇక్కడే. 1863లో ఈ రైళ్ల ప్రయాణం ప్రారంభమైంది.
‌* ఇక్కడ 122 మైళ్ల దూరంతో అతిపెద్ద రింగ్‌ రోడ్‌ ఉంది.
‌* 1868లో ప్రపంచంలో మొదటి ట్రాఫిక్‌ లైట్‌ని ఈ నగరంలోనే ఏర్పాటు చేశారు.