గూఢచారుల ఊరు!

మహా నగరం 
లిస్బన్‌ 

నగరం: లిస్బన్‌ 
దేశం: పోర్చుగల్‌ 
జనాభా: ఐదు లక్షలకు పైమాటే 
విస్తీర్ణం: 100.05 చదరపు కిలోమీటర్లు 

పోర్చుగల్‌ దేశ రాజధాని నగరం లిస్బన్‌. ఇక్కడ అతి పెద్ద నగరమూ ఇదే. పశ్చిమ ఐరోపాలో ప్రాచీన నగరంగా దీనికి గుర్తింపు ఉంది. 
* ఈ నగరం అంతా ఏడు కొండలపై నిర్మితమైంది. అందుకే దీనికి ‘ద సిటీ ఆఫ్‌ సెవెన్‌ హిల్స్‌’ అనే పేరుంది. అయితే ఈ కొండలు ఏడు కాదు, ఎనిమిదనే వాదనా ఉంది. 
* ఈ ప్రాచీన నగరంలో అంతకు ముందు చాలా పురాతన భవంతులుండేవి. అవన్నీ 1755లో వచ్చిన అతి పెద్ద భూకంపంలో నేలకొరిగాయి. ఈ భూకంపాన్ని ‘ద గ్రేట్‌ లిస్బన్‌ ఎర్త్‌క్వేక్‌’ అని పిలుస్తారు. 
* ఇక్కడి శాంటా ఎన్‌గ్రేసియా చర్చికి ఓ చిత్రమైన గిన్నిస్‌ రికార్డుంది. అదేంటంటే ఎక్కువ కాలం నిర్మాణంలో ఉన్న చర్చిగా. దీని నిర్మాణ పనులు 17వ శతాబ్దంలో ప్రారంభమై 20వ శతాబ్దంలో పూర్తయ్యాయి మరి! 
* ‘సిటీ ఆఫ్‌ స్పైస్‌’ అని దీనికి పేరుంది. అంటే గూఢచారుల నగరమని అర్థం. ప్రపంచ యుద్ధం సమయంలో రెండు పక్షాలకూ సహకరించకుండా పోర్చుగల్‌ వారు మధ్యస్తంగా ఉండేవారు. ఆ సమయంలో ఇక్కడ కొందరు గూఢచారులుగానూ పనిచేసేవారు. దీంతోనే 
ఈ ఊరికి ఈ పేరొచ్చింది. 
* ఇక్కడ కాకుల్ని విన్‌సెంట్‌ అని పిలుస్తారు. పన్నెండో శతాబ్దంలో ఉన్న మత పెద్ద పేరు మీదుగా వీటినిలా అంటారు. అంతేకాదు వీటిని పెంపుడు జంతువుల్లాగానూ పెంచుకుంటారు. ఈ నగరానికి గుర్తూ కాకే. 
* ఇక్కడున్న ఓషనేరియం ప్రపంచంలోనే అతి పెద్ద అక్వేరియంల్లో ఒకటి. ఎనిమిది వేలకు పైగా రకాల సముద్రపు జీవుల్ని ఇందులో చూడొచ్చు. 16వేలకు పైగా జీవులున్నాయిందులో. 
* ఏటా 40లక్షల మందికి పైగా ఈ నగరాన్ని సందర్శిస్తున్నారు.