సైకిళ్ల మీదే ఉద్యోగాలకు !

*రోడ్ల పక్కన చాలా మంది సైకిళ్లకు తాళాలు వెయ్యకుండానే పెట్టేస్తారు.
*ఒక్కోసారి కూడళ్లలో సైకిళ్ల వల్ల ట్రాఫిక్‌ జామ్‌లు అయిపోతుంటాయి.

*నగరం మధ్యలో ఉన్న స్ట్రోగెట్‌ షాపింగ్‌ స్ట్రీట్‌ ఎక్కువ మంది పర్యటకుల్ని ఆకర్షించే ప్రాంతం. అయితే ఇది ప్రారంభమైన మొదట్లో ఈ చుట్టుపక్కల పార్కింగ్‌కి ఇబ్బందయ్యేది. విపరీతంగా ట్రాఫిక్‌ జామ్‌లయ్యేవి. దీంతో స్థానికులంతా దీన్ని వ్యతిరేకించారు. దీన్ని వెంటనే తొలగించేయమంటూ మేయర్‌ని బెదిరించారు. అయితే వాళ్లని ఒప్పించి రెండేళ్లపాటు ట్రయల్‌ నిర్వహించారు. దీంతో తర్వాత్తర్వాత స్థానికులు దీన్ని ఇష్టపడటం మొదలుపెట్టారు.

జామ్‌ జామ్మంటూ!

* ఈ నగరంలో నివసించేవారిని కోపెన్‌హాగనర్స్‌ అని పిలుస్తుంటారు. వీరికి సైకిళ్లంటే భలే ఇష్టం.
* ఉద్యోగుల్లో సగం మందికి పైగా రోజూ సైకిళ్ల మీదే వెళతారు.
* ఇక్కడ 250 మైళ్ల సైకిల్‌ దారులున్నాయి. ఈ ఊరి శివారుల్లో ఉన్న ఊళ్లను కలపడానికి ఇప్పుడో సూపర్‌ హైవేనీ తెరిచారు. దాని మీద ఇంక వేరే పెద్ద వాహనాలేం రావన్న మాట.

*నగరం మొత్తంలో అక్కడక్కడా కృత్రిమంగా నిర్మించిన ద్వీపాలుంటాయి. రెండో ప్రపంచ యుద్ధం సమయంలో వీటిని భద్రతా అవసరాల కోసం నిర్మించారు. అయితే ఇప్పటికీ అవి మిలటరీ బేస్‌లుగా ఉన్నాయి.
*ప్రభుత్వ నిబంధనలు, చట్టాల్ని ఇక్కడి వారంతా కచ్చితంగా పాటిస్తారు. రోడ్డు ఖాళీగా ఉన్నా పచ్చలైటు పడే వరకు ఆగుతారు. దొంగతనాలూ తక్కువే.

*కోపెన్‌హాగన్‌ తీరంలో ఉన్న ఓడరేవుకు పరిశుభ్రమైనదిగా పేరుంది. ఇక్కడి నీళ్లూ దిగి స్నానం చేసేందుకు వీలైనంత స్వచ్ఛంగా ఉంటాయి. అయితే ఎప్పుడూ ఈ నీళ్లు ఇలాగే లేవు. పదిహేనేళ్ల క్రితం అధికారులు వీటిని శుభ్రంగా ఉంచాలని అనుకున్నారట. అక్కడక్కడా ఈతకు వీలుగా ఏర్పాట్లు చేసి నిబంధనల్ని అమలు చేశారు. దీంతో అప్పటి నుంచి ఇది శుభ్రమైనదిగా మారింది.