మారథాన్‌ పరుగులు ఇక్కడివే!

* గ్రీకు దేవత ఎథీనా పేరు మీదుగా ఈ నగరం ఏర్పడింది. ఈ దేవత ప్రసిద్ధ ఆలయం పార్థినోన్‌.. ఈ నగరంలో ప్రత్యేక ఆకర్షణ.

* గ్రీకుల ఆహారంలో ప్రధానమైంది ఆలివ్‌. పైగా ప్రపంచంలో ఆలివ్‌ ఉత్పత్తి చేయడంలో ఇది మూడో స్థానంలో ఉంది. కొన్ని వేల సంవత్సరాల నుంచే ఏథెన్స్‌లో ఈ ఆలివ్‌ చెట్లు పెంచుతున్నారు. 1200 సంవత్సరాల నాటి కొన్ని చెట్లు ఇప్పటికీ ఆలివ్‌ల్ని ఉత్పత్తి చేస్తున్నాయి.

* ప్రపంచాన్ని ప్రభావితం చేసిన పాశ్చాత్య తత్త్వానికి ఆద్యుడైన సోక్రటీస్‌ ఈ నగరానికి చెందినవాడే.

* గ్రీకులు థియేటర్లంటే ఎక్కువగా ఇష్టపడతారు. ఇక్కడ పురాతనమైన థియేటర్లు చాలా ఉన్నాయి.

* ‘మారథాన్‌ రేస్‌’ అనే పదానికి అర్థం లాంగ్‌ రేస్‌. ఈ పదం పుట్టింది ఇక్కడే. క్రీస్తుపూర్వం 490 సంవత్సరంలో గ్రీకు సైనికుడు ఫిలప్పీడీస్‌ ఏథెన్స్‌ విజయవార్తను చేరవేయడానికి మారథాన్‌ నుంచి ఏథెన్స్‌కు ఆగకుండా పరుగెత్తాడు. అలా ఆ పేరొచ్చిందట.

* క్రీస్త్తు పూర్వం 776లో ప్రారంభమైన ఒలింపిక్‌ క్రీడల్ని క్రీస్తు శకం 393లో నిలిపి వేశారు. మళ్లీ ఈ క్రీడలు క్రీస్తు శకం 1896లో ఏథెన్స్‌లో పునః ప్రారంభమయ్యాయి.