ఓహో.. గులాబీల నగరమా!

* ఇక్కడి ఆర్కిడ్‌ హౌస్‌ భలేగా ఉంటుంది. వేలాది రకాల ఆర్కిడ్‌ పూల మొక్కలుంటాయి.

* ఇక్కడి నేషనల్‌ ఉమెన్స్‌ మెమోరియల్‌ ప్రత్యేక ఆకర్షణ. రెండో బూర్‌ యుద్ధంలో మరణించిన 27 వేల మందికి గుర్తుగా దీన్ని 1913లో ఏర్పాటు చేశారు. మహిళలు, చిన్నారులకు అంకితమిస్తూ నిర్మించారు. మహిళల మొదటి స్మారకస్థూపం ఇది.

* ఇక్కడి అగ్నిమాపక ప్రదర్శనశాల మంచి పర్యటక ప్రాంతం. పాత తరం నాటి ఫైర్‌ ఇంజిన్లు, పరికరాలు, ఫొటోలు ఉంటాయిక్కడ.

* ఈ నగరానికి దగ్గర్లో ‘చీతా ఎక్స్‌పీరియన్స్‌ కన్జర్వేషన్‌ సెంటర్‌’ ఉంటుంది. ఇందులో పులులు, సింహాలు, చిరుతలూ ఉంటాయి. ఎంచక్కా వాటిని దగ్గర్నించి చూడొచ్చు. ఫొటోలూ దిగొచ్చు.

* బ్లూంఫౌంటేన్‌ అనే పేరుకు డచ్‌లో ఫౌంటేన్‌ ఆఫ్‌ ఫ్లవర్స్‌ అని అర్థం. సరదాగా ‘ద సిటీ ఆఫ్‌ రోజెస్‌’ అని పిలుస్తుంటారు. ఇక్కడ గులాబీ తోటలు చాలా ఎక్కువ. ఏటా రోజ్‌ ఫెస్టివల్‌ భారీ ఎత్తున జరుగుతుంది. 1976 నుంచి నిర్వహిస్తున్న ఈ వేడుకలో వేలాది గులాబీ పూల ప్రదర్శనతో పాటు రకరకాల పోటీలు పెడుతుంటారు. ఫ్లవర్‌ వాక్‌లూ ఉంటాయి.