నవ్వుల్‌.. నవ్వుల్‌...!

నా తప్పేం లేదు మరి!

టీచర్‌: హోం వర్క్‌ మీ నాన్నతో చేయించొద్దని నీకు ఎన్నిసార్లు చెప్పాలి చింటూ!

చింటు: ఇందులో నా తప్పేమీ లేదు టీచర్‌. అంతా మా అమ్మ వల్లే!

టీచర్‌: మధ్యలో మీ అమ్మ ఏం చేశారు?

చింటు: మా నాన్న ఇంటి పని చేయకుంటే మా అమ్మ అస్సలు ఊరుకోరు. అందుకే నా ‘హోం వర్క్‌’ను కూడా నేను వద్దన్నా వినకుండా మా నాన్నే చేస్తున్నారు టీచర్‌.

టీచర్‌: ఆఁ!!  

ఎందుకలా నవ్వుతున్నావు?

టీచర్‌: కిట్టూ.. ఎందుకలా క్లాసు వినకుండా బిగ్గరగా నవ్వుతున్నావు?

కిట్టు: నేను బలహీనంగా ఉన్నా టీచర్‌.

టీచర్‌: నేనేం అడుగుతున్నా.. నువ్వేం చెబుతున్నావు?

కిట్టు: సంతోషం సగం బలం అని నిన్న మీరే చెప్పారు కదా టీచర్‌. అందుకే బలం కోసం నవ్వుతున్నా...!

టీచర్‌: ఆఁ!!