నవ్వుల్‌.. నవ్వుల్‌..!

కారణం అదన్నమాట!

పింకీ: టింకూ... సెల్‌ఫోన్‌కు ఆ పేరు ఎందుకు వచ్చిందో నీకు తెలుసా?
టింకూ ఊహూ... నాకు తెలియదు. నీకు తెలిస్తే నువ్వే చెప్పు పింకీ.
పింకి: ఖైదీలను సెల్‌లో వేస్తారు కదా..
టింకూ ఆ.. వేస్తారు. అయితే!
పింకి: మనం కూడా ఫోన్లకు బందీలం కాబట్టి, దాన్ని సెల్‌ఫోన్‌ అని పిలుస్తారు.

అందరూ అందరే!

నాన్న: చింటూ.. మేకులు కొట్టాలి. పక్కింటి అంకుల్‌ను అడిగి సుత్తి తీసుకురావా?
చింటు: వెళ్లి అడిగాను నాన్నా.. లేదన్నారు.
నాన్న: అవునా.. అయితే ఎదురింటి అంకుల్‌ను అడిగి తీసుకురా పో...
చింటు: ఆ అంకుల్‌ను కూడా అడిగాను నాన్నా.. ఆయన కూడా లేదన్నారు.
నాన్న: అందరూ పిసినారులు తయారవుతున్నారు. ఉండి కూడా లేదంటున్నారు. సరే ఏం చేస్తాం.. మన ఇంట్లో ఉన్నదే పట్టుకురాపో.
చింటు: సరే నాన్నా!

మా మామయ్య ఏం చేస్తారంటే..

బంటి: మా మామయ్య రోజుకు కనీసం వంద మందికి అన్నంపెట్టి వాళ్ల ఆకలి తీరుస్తారు తెలుసా?
చంటి: ఓ.. గ్రేట్‌.. మీ మామయ్య ఏదైనా స్వచ్ఛంద సంస్థ తరఫున పని చేస్తున్నారా?
బంటి: లేదు.. మా మామయ్య ఓ హోటల్‌ నడుపుతున్నారు.
చంటి: ఆఁ!!