నవ్వుల్‌... నవ్వుల్‌...!

అలా అర్థమైందా?

అనిల్‌ : హలో అంకుల్‌.. సునీల్‌ ఉన్నాడా?
అంకుల్‌ : స్నానం చేస్తున్నాడు బాబూ.. నువ్వు.....?

అనిల్‌ :  నేను ఉదయాన్నే చేసేశా అంకుల్‌..
అంకుల్‌ : ఆ..!!

తగ్గేదే లే!

టీచర్‌ : టిల్లూ.. దేని గురించో దీర్ఘంగా ఆలోచిస్తున్నావు?
టిల్లు : అవును టీచర్‌.. చంద్రుడి మీదకు వెళ్లిపోదామని అనుకుంటున్నా..

టీచర్‌ : ఏ.. ఎందుకలా?
టిల్లు : బరువు కాస్త తగ్గుదామనీ.. భూమి మీద కంటే అక్కడ తక్కువ బరువు ఉంటారని మీరే చెప్పారు కదా టీచర్‌..

అదీ సంగతి!

టీచర్‌ : వందనా.. ఈసారి నీకు మార్కులు బాగా వచ్చాయి. ఎప్పుడూ ఇలానే తెచ్చుకోవాలి. సరేనా?
వందన : తప్పకుండా టీచర్‌.. మీరు కొశ్చన్‌ పేపర్‌ని మా ఇంటి ముందున్న షాప్‌లోనే జిరాక్స్‌ తీయించాలి మరి..!

ఎంత శ్రద్ధో మరి..

టీచర్‌ : చింటూ.. నిన్న మీ ఇంట్లో దొంగలు పడ్డారట కదా?
చింటు : అవును టీచర్‌.. టీవీ తప్ప అన్నీ ఎత్తుకెళ్లిపోయారు..

టీచర్‌ : ఎందుకలా?
చింటు : అప్పుడు నేను టీవీ చూస్తున్నానని వదిలేసినట్టున్నారు టీచర్‌..
టీచర్‌ : ఆ..!!