నవ్వుల్‌.. నవ్వుల్‌..!

చేతులు కాలాకే..

నాన్న : ఏంట్రా కిట్టూ.. దిగులుగా ఉన్నావెందుకు?

కిట్టు : పాత స్కూలే బాగుంది నాన్నా..

నాన్న : ఏడ్చీ ఏడ్చీ, పట్టుబట్టి మరీ నువ్వే మారావు కదా.. ఆ విషయం ముందు తెలియదా?

కిట్టు : నాకు కూడా కొత్త స్కూల్‌లో చేరాకే అర్థమైంది నాన్నా..

ఇదే ఆఖరు!

టీచర్‌ : లలితా.. పరీక్షలో ‘స్నేహితురాలికి ఉత్తరం’ బాగానే రాశావు కానీ.. చివర్లో ‘ఈసారైనా సమాధానం పంపు’ అని రాశావేంటి?

లలిత : మరేం లేదు టీచర్‌.. గతేడాది పరీక్షల్లో రాసిన ఉత్తరానికే, ఇంతవరకూ సమాధానం పంపలేదు తను..

టీచర్‌ : ఆ..!!

అదే బాగుంది..

బామ్మ : ఏంటి రవీ.. ఉదయం లేచిన దగ్గర్నుంచి, టీవీలో పదే పదే అవే వార్తలు చూస్తున్నావు?

రవి : కొద్దిరోజుల్లో బడులు తెరుస్తారు కదా..

బామ్మ : ఆ.. అయితే?

రవి : ఈలోగా కొత్త వైరస్‌ ఏదైనా వస్తుందేమో.. మళ్లీ ఆన్‌లైన్‌ క్లాసులేనని వార్తల్లో చెబుతారని చిన్న ఆశ బామ్మా..

నీకొచ్చా అసలు?

పింకి : రింకీ.. నీకు చెస్‌ ఆడటం వచ్చా?

రింకి : ఆ.. ఫర్వాలేదు. బాగానే వచ్చు..

పింకి : సరే పద.. గ్రౌండ్‌కు వెళ్లి అది ఆడుకుందాం..

రింకి : ఆ..!!