నవ్వుల్‌.. నవ్వుల్‌..!

నాకు తెలుసు.. నువ్వే!

నాన్న : రిత్విక్‌.. పోయిన వారమే చెప్పా కదా.. డబ్బులు అవసరమైతే అడగాలి కానీ ఇలా జేబులోంచి చెప్పకుండా తీసుకోవద్దని..
రిత్విక్‌ : అదేంటి నాన్నా.. ఎప్పుడూ నన్నే అనుమానిస్తారు? తమ్ముడు, చెల్లి కూడా ఉన్నారు కదా.. వాళ్లు తీశారేమో!

నాన్న : కచ్చితంగా వాళ్లిద్దరూ తీయలేదు..
రిత్విక్‌ : ఎలా చెప్పగలరు?

నాన్న : వాళ్లే అయితే, ఆ అయిదు వందల నోటు కూడా తీసుకునేవారు..

అదే ట్విస్టు..

హేమ : హిమా.. జూలో పనిచేసే మా మావయ్య, సింహం బోనులోకి కూడా ఒక్కరే వెళ్లిరాగలరు తెలుసా?
హిమ : అమ్మో.. మరి ఆయనకు సింహం అంటే భయం లేదా?

హేమ : ఎందుకు లేదు.. అందుకే కదా, బోనులో సింహం లేనప్పుడు మాత్రమే వెళ్లివస్తుంటారు..
హిమ : ఆ..!!

భలే చెప్పాడు..

టీచర్‌ : పవన్‌.. క్లాసు మొత్తంలో నువ్వొక్కడివే లెక్కల పరీక్షలో ఫెయిల్‌ అయ్యావు కదా.. కారణమేంటో తెలిసిందా?
పవన్‌ : నిన్నంతా దాని గురించే ఆలోచించా టీచర్‌..

టీచర్‌ : గుడ్‌.. ఏంటో చెప్పు?
పవన్‌ : అసలు మీరు పరీక్ష పెట్టడమే తప్పు టీచర్‌..

టీచర్‌ : ఆ..!!