నవ్వుల్‌.. నవ్వుల్‌..!

దోస్తు మేరా దోస్త్‌!

టీచర్‌: పిల్లలూ.. నిజమైన స్నేహితులు అని ఎవరిని అంటాం?
రవి: పరీక్షలో సమాధానాలు చూపించిన వాళ్లను టీచర్‌..
గిరి: ఓటీటీ లాగిన్‌ పాస్‌వర్డ్‌లను షేర్‌ చేసే వాళ్లను టీచర్‌..
టీచర్‌:  ఆఁ!!

అంతే మరి!

టీచర్‌: చింటూ.. నీకు ఈ స్కూల్లో ఎవరంటే ఎక్కువ ఇష్టం?
చింటు: బెల్‌ కొట్టే రంగయ్య అంటే చాలా ఇష్టం టీచర్‌.

టీచర్‌:  ఆఁ!!

నిజమే చెప్పాగా!

నాన్న: కిట్టూ.. నీకు లెక్కల్లో వందకు పైనే వచ్చాయన్నావు.. మరి కేవలం ఆరు మార్కులే ఉన్నాయేంటి?
కిట్టు: అవును నాన్నా.. ఆ ఆరు మార్కులు ఎక్కడ వేశారో చూడు. వందకు పైనే కదా!

ఆరోగ్యానికి మంచిదని!

శివ: ఏంటి రవీ! సైకిల్‌ కింద పడేసి దాని మీద నుంచున్నావు?
రవి: సైకిల్‌ తొక్కడం ఆరోగ్యానికి మంచిదని డాక్టర్‌ అంకుల్‌ చెబితేను..

మీవల్లే డాక్టర్‌!

డాక్టర్‌: అరరే.. ఏంటి బాబూ! నీ నోరు నీలం రంగులోకి మారింది?
బిట్టు: మీ వల్లే డాక్టర్‌ అంకుల్‌!

డాక్టర్‌: నేనేం చేశాను?
బిట్టు: థర్మామీటరు బదులు మీరు నా నోట్లో ఇంకు పెన్ను పెట్టి వెళ్లారు!