నవ్వుల్‌.. నవ్వుల్‌..!

చింటు: భోజనం చేసే ముందు నాలాగే నువ్వూ దేవుడికి ప్రార్థిస్తావా?

Published : 12 Aug 2022 00:21 IST

నాకు అవసరం లేదు!

చింటు: భోజనం చేసే ముందు నాలాగే నువ్వూ దేవుడికి ప్రార్థిస్తావా?
బంటి: నాకు ఆ అవసరం లేదు చింటూ.. మా అమ్మ వంటలు బాగానే చేస్తుంది.
చింటు: ఆఁ!!

అంతేగా... అంతేగా..!

నాన్న: పరీక్షల్లో ఫెయిలై కూడా నవ్వుతున్నావేంటి కిట్టూ?
కిట్టు: నా పేపర్లో చూసి కాపీ కొట్టిన బిట్టూ గుర్తొచ్చి!
నాన్న: ఆఁ!!

భలే సమాధానం..

మాస్టారు: రేపు ఉదయం ఆరు గంటలకు కచ్చితంగా రావాలి. రాకుంటే ఏమవుతుందో తెలుసా?
సునీల్‌ : ఆరు దాటిపోతుంది సార్‌..

వెన్నెలంటే మాటలా?

టీచర్‌: వెన్నెలా.. రెండు కొమ్ములున్న జంతువుల పేర్లు చెప్పు?
వెన్నెల: కుక్క, గుర్రం

టీచర్‌: వాటికి కొమ్ములెక్కడున్నాయి?
వెన్నెల: కుక్కలో ‘కు’ అక్షరానికి, గుర్రంలో ‘గు’ అక్షరానికి కొమ్ములున్నాయి కదా టీచర్‌..

టీచర్‌: ఆఁ!!


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని