నవ్వుల్‌... నవ్వుల్‌...!

నిజమేగా!

టీచర్‌: అరటి పండు గురించి నీకు తెలిసిన విషయాలు చెప్పు టింకూ?

టింకు: తింటే బలపడతాం.. తొక్కితే జారి పడతాం టీచర్‌.

టీచర్‌:ఆఁ!!

గొప్ప ఆలోచనే!

టీచర్‌: ఏంటి కిట్టూ.. ఏదో సీరియస్‌గా ఆలోచిస్తున్నావు?

కిట్టు: ‘ధరలకు రెక్కలొచ్చాయి’ అని మా నాన్న అమ్మతో అంటుంటే విన్నా. పక్షులకు కదా రెక్కలుండేది. ధరలు కూడా పక్షులేనా? కాదా? అని ఆలోచిస్తున్నా టీచర్‌.

టీచర్‌: ఆఁ!!

బంటీ థియరీ!

టీచర్‌: అమావాస్య ఎందుకు వస్తుంది?

బంటి: పౌర్ణమి విలువ మనకు తెలిసేలా చేయడం కోసమే అమావాస్య వస్తుంది టీచర్‌.

టీచర్‌: ఆఁ!!

ఇది దారుణం!

టీచర్‌: దారుణం అంటే ఏంటి?

కిట్టు: ‘దా’ అనే పేరున్న వ్యక్తి తీసుకున్న రుణాన్నే... దారుణం అంటారు టీచర్‌.

• Telugu news
• Smile
• joke
• Fun
• Humour