నవ్వుల్‌...! నవ్వుల్‌...!

లాజిక్కే కదా..

అమ్మ : ఏంటి కిట్టూ.. తాతయ్య మీద చిరాకు పడుతున్నావు?
కిట్టు : అవునమ్మా.. పూర్తిగా కాకుండా, అన్నీ సగం సగమే చెబుతున్నారు.

అమ్మ : ఇప్పుడేమైంది?
కిట్టు : ఉదయం నుంచి కాళ్లు లాగుతున్నాయని తనలో తానే బాధపడుతున్నారు కానీ, ఎటువైపో చెప్పడం లేదు..

అమ్మ : ఆ..!!

భలే తెలివి!

టీచర్‌ : రాధికా.. అడ్రస్‌ రాయమంటే మెట్ల బొమ్మ గీశావేంటి?
రాధిక : మేమందరమూ మిద్దెపైనున్న ఇంట్లోనే ఉంటాం టీచర్‌..
టీచర్‌ : ఆ..!!

అబ్బా.. ఎంత పనైంది..

అంకుల్‌ : ఏంటి రాహుల్‌.. దిగులుగా ఉన్నావు?
రాహుల్‌ : అవును అంకుల్‌..

అంకుల్‌ : ఏం జరిగింది?
రాహుల్‌ : కరోనా వల్ల మళ్లీ స్కూళ్లకు సెలవులు వస్తాయి అనుకుంటే... కేసులు పెద్దగా పెరగట్లే. అందుకే లాక్‌డౌన్లూ విధించడం లేదు. మంకీపాక్స్‌ కేసులు కూడా అంతే.. బొత్తిగా లేవు. అందుకే దిగులుగా ఉన్నా అంకుల్‌. 

అంకుల్‌ : ఆ..!!