నవ్వుల్‌...! నవ్వుల్‌...!

ఓరి నాయనో!

అమ్మ: కూర ఎలా ఉంది బంటీ?

బంటి: పావుకిలో వంకాయలకు బదులు అరకిలో వండాల్సింది.

అమ్మ:ఏ.. బంటీ కూర అంత నచ్చిందా?

బంటి: కాదమ్మా... అప్పుడు ఉప్పు సరిగ్గా సరిపోయేది.

అమ్మ: ఆఁ!!

హింస పాపమే కదా!

చింటు: టీచర్‌.. జీవహింస పాపం కదా.

టీచర్‌: అవును చింటూ.. పాపమే..

చింటు: మరి ఎగ్జామ్స్‌, మార్కులు, హోంవర్క్‌లు అని మీరు మమ్మల్ని ఎందుకు హింసిస్తారు. మేమూ జీవులమే కదా!

టీచర్‌: ఆఁ!!

నిజమే మరి..

టిల్లు : నాన్నా నాన్నా.. స్కూల్‌ నుంచి వచ్చేటప్పుడు మన వీధి చివరిలో ఈ పర్సు దొరికింది నాన్నా..

నాన్న : టిల్లూ.. నిజంగానే దొరికిందా?

టిల్లు : నిజం నాన్నా.. కావాలంటే మీరే చూడండి.. ఆ అంకుల్‌ తన పర్సు కోసం ఇంకా వెతుక్కుంటూనే ఉన్నారు..