నవ్వుల్‌.. నవ్వుల్‌..!

వినిపిస్తుందా..!

కార్తి: దేవుడా.. ఓ మంచి దేవుడా.. నాకో మంచి సైకిల్‌ ప్రసాదించు స్వామీ.. వినిపిస్తోందా?

అమ్మ: అంత గొంతుచించుకొని అరవడమెందుకు కార్తీ.. చిన్నగా చెబితే దేవుడికి వినిపించదా ఏంటి?

కార్తి: దేవుడికి వినిపిస్తుంది కానీ, నాన్నకు వినిపించాలి కదమ్మా..!

అమ్మ: ఆ..!!

పెద్దలంటే గౌరవం మరి..

రమ : ఉమా.. బస్సులో ప్రయాణిస్తున్నప్పుడు ఎవరైనా పెద్దవాళ్లు నిల్చుంటే నేనస్సలు చూడలేను తెలుసా..

ఉమ : అవునా.. ఆ సమయంలో నువ్వు నిల్చొని, నీ సీటు వాళ్లకి ఇచ్చేస్తావా?

రమ : కాదు.. వాళ్లకి సీటు దొరికే వరకూ నా కళ్లు మూసుకుంటా..

కనిపెట్టాడోచ్‌..

బామ్మ : ఏంటి చింటూ.. ఆకాశంవైపే చూస్తూ కూర్చున్నావు?

చింటు : మరేం లేదు బామ్మా.. ఆకాశంలోకి చూస్తుంటే నాకో కొత్త విషయం తెలిసింది..

బామ్మ : అవునా.. ఏంటది?

చింటు :చీకటంటే చంద్రుడికి కూడా భయమే.. అందుకే, బోలెడు చుక్కలను వెంటేేసుకొస్తాడు..

బామ్మ : ఆ..!!