పిల్లలూ ‘పది’లం!

చిన్నారులమైన మనకు చాచా నెహ్రూ బోలెడు మంచి సూక్తులు చెప్పారు. అందులో ఓ పది ఇప్పుడు తెలుసుకుందాం. కేవలం తెలుసుకోవడమే కాదు, ఆచరించే ప్రయత్నమూ చేద్దాం.. సరేనా!

* లక్ష్యాన్ని సాధించలేని జ్ఞానం నిరుపయోగం.

* జ్ఞానం వల్ల మాత్రమే మన ఉనికిని ఊహించగలం.

* చదువుతోపాటు పెద్దలతో వినయంగా ఉండటమూ నేర్చుకోవాలి.

* పనిని అభిమానించడం మొదలుపెడితే విజయం దానంతట అదే వస్తుంది.

* పరాయి వాళ్ల దివ్య సౌధాల్లో జీవించడం కన్నా సొంతదైన పూరి గుడిసెలో నివసించడం మిన్న.

* వైఫల్యం ఎదురవగానే నిరాశ చెందకూడదు. అది కొత్త ప్రేరణకు నాంది కావాలి.

* చరిత్ర చదవడమే కాదు. సృష్టించాలి.

* లక్ష్యాలు, ఆలోచనలు, విలువలు మరిచిపోయేవారు మాత్రమే అపజయం పాలవుతారు.

* మితిమీరిన విశ్రాంతి అన్ని విధాలా అనర్థం.

* చిన్నప్పుడు మంచి అలవాట్లు చేసుకుంటేనే, పెద్దయ్యాక గొప్ప లక్ష్యాలను సాధించగలరు.