నాయకుడు ఎలా ఉండాలంటే?

క్రీస్తువాణి

ఒక కుటుంబాన్నో, సంఘాన్నో ముందుకు నడిపే నాయకుడు ఎలా ఉండాలి?
తన సహచరులతో, అనుచరులతో ఎలా మెలగాలి?
వీటికి సమాధానం ప్రభువు ఉపదేశంలో కనిపిస్తుంది. ఒక మంచి యజమాని, మంచి గొర్రెల కాపరిలా ఉండాలంటారాయన.
‘ద్వారంలో నుంచి లోపలకు ప్రవేశించిన కాపరి స్వరం గొర్రెలు వింటాయి. అతను తన జీవాలన్నిటినీ పేరు పెట్టి పిలుస్తాడు. వాటిని నడిపించేటప్పుడు ముందు తానే ఉంటాడు. అవన్నీఅతని స్వరం విని అతన్ని అనుసరిస్తాయి. మంచి కాపరి తన గొర్రెల కోసం ప్రాణం పెడతాడు. మందలో ఒక్కటి తప్పిపోయినా నిద్రాహారాలు మాని వెదుకుతాడు. అది దొరికినప్పుడు దాన్ని భుజాన వేసుకుని ఆనందంగా ఆ శుభవార్తను అందరికీ చెబుతాడు’... నిజమైన నాయకుడు కూడా తన అనుచరులతో ఇలాగే ఉంటాడు.

- ఎం.సుగుణరావు