మితిమీరిన సంపద మేలుచేయదు!

క్రీస్తువాణి

ఇవ్వడంలో ఆనందం ఉండాలి. దానం చేసేటప్పుడు మనం సంతోషపడాలి. అదే మేలైన దానం. ‘బలవంతంగా కాక, ప్రతివారూ తన హృదయంలో నిశ్చయించుకున్న ప్రకారం ఇవ్వాలి’... ఇది ప్రభువు వాక్కు.. కొంచెంగా విత్తేవాడు కొంచెమే పంట తీసుకుంటాడు. సమృద్ధిగా విత్తేవాడు పెద్దఎత్తున పంట తీసుకుంటాడు. అలాగే ఎంత ఎక్కువగా పరోపకారం చేస్తే అంతే ప్రతిఫలం దొరుకుతుంది అంటారు ప్రభువు.. యెరూషలేం దేవాలయంలో కానుకల పెట్టెలో తనకు ఉన్నదంతా వేసిన ఓ వృద్ధురాలి దాతృత్వాన్ని ఆయన  మెచ్చుకున్నాడు. మన అవసరాల కోసం ధనం సంపాదించుకోవాలి. అలాగే అవసరంలో ఉన్న వేరొకరికి తప్పకుండా సాయం చేయాలి.. మితిమీరిన సంపద వృధాగా నశించిపోతుంది. దీనులను, కష్టాల్లో ఉన్నవారిని ఆదుకున్నప్పుడు వచ్చే పుణ్యఫలం సర్వదా నిలిచి ఉంటుందని బైబిల్‌ మనకు బోధిస్తుంది.

-సుగుణరావు