మీ ఉపవాస దీక్ష ప్రభువు చూస్తున్నారు!

క్రీస్తువాణి

ఉపవాసం అంటే భగవంతుడికి దగ్గరగా ఉండడం అని అర్థం. ఈస్టర్‌ పర్వదినానికి నలభై రోజుల ముందు నుంచి ప్రారంభమయ్యే లెంట్‌ దినాలు ఉపవాస ప్రాధాన్యాన్ని చాటుతాయి. లోక పాప పరిహారార్థం ప్రభువు సిలువపై బలియాగానికి గుర్తుగా ఈ రోజుల్లో క్రైస్తవులు ఉపవాస దీక్షలో పాల్గొంటారు. తద్వారా శరీరాన్ని, మనసును పరిశుద్ధం చేసుకోవాలన్నది క్రీస్తు సందేశం. ఉపవాసం ఉన్న రోజుల్లో  ఏమీ తినకున్నా తాము వండిన ఆహారంతో పేదల ఆకలి తీర్చాలి.  ‘ఉపవాసం ఉన్న విషయం అందరికీ తెలియజేయాల్సిన అవసరం లేదు. మిమ్మల్ని పరలోక ప్రభువు చూస్తున్నాడని గుర్తుంచుకోండి’ అంటారు ప్రభువు. ఆయన స్వయంగా నలభై రోజులు ఉపవాస దీక్ష చేశారు. మానవాళికి మహోన్నత మార్గం చూపారు.