ఇంటికి ఉన్న మార్గాలేంటి?

ఈనాడు, హైదరాబాద్‌: ప్రధాన నగరంలో పెరిగిన ఇళ్ల ధరలతో అన్ని వర్గాలవారు కొనలేని పరిస్థితి. ఇలాంటి వారు శివార్లవైపు మొగ్గు చూపడం మేలు. అనుకున్న ధరలో స్థిరాస్తిని కొనుగోలు చేయవచ్చు.

* ప్రభుత్వం శివార్లలోని పలు ప్రాంతాల్లో మూసీపై వంతెనలు, లింకురోడ్ల అనుసంధానం చేపట్టింది. ఫిర్జాదిగూడ నుంచి బండ్లగూడను కలిపేందుకు మూసీపై వంతెన నిర్మిస్తోంది. ఇది పూర్తైతే ఆ ప్రాంతం రూపురేఖలే మారిపోతాయి. నివాసాలకు కేంద్రంగా మారుతుంది. ధరలు ఒక్కసారిగా ఎగబాకుతాయి. ప్రస్తుతానికి ఇలాంటి ప్రాంతాల్లో ధరలు తక్కువగా ఉన్నాయి. సిటీలో అన్నివైపులా ఇలాంటి ప్రాంతాలు ఉన్నాయి. దృష్టి పెడితే సొంతింటికి స్థలం తక్కువ ధరలో కొనుగోలు చేయవచ్చు.

* కాస్త దూరం అయినా పిల్లల భవిష్యత్తును దృష్టిలో పెట్టుకుని స్థలాలు తీసుకోవడం మేలు. ఆ ప్రాంతం కాస్త అభివృద్ధి కాగానే అక్కడికి వెళ్లి ఇల్లు కట్టుకోవచ్చు. విశాలమైన స్థలంలోనే కొంత విక్రయించి వచ్చిన సొమ్ముతో ఇల్లు కట్టుకోవచ్చు. చేతిలో సొమ్ము ఉంటే స్థలం అమ్మాల్సిన పనేలేదు. భవిష్యత్తులో వాటికి మరింత డిమాండ్‌ వస్తుంది.