ఆహారానికి గొడుగు మూత!

వంటింటి నేస్తం

అన్నం, కూర, పప్పు... ఇలా అన్ని పాత్రలపైనా వేడి చల్లారకుండా ఉండేందుకు మూతలు పెట్టడం మనకు అలవాటే. అయితే ఆహార పదార్థాలు తాజాగా, వేడిగా, పోషకాలు పోకుండా ఉండాలంటే వాటిపై ఓ పెద్ద గొడుగు లాంటి మూత పెడితే ఎలా ఉంటుంది. అచ్చం ఈ ఫొటోలో చూపినట్లే ఉంటుంది. అల్యూమీనియంతో చేసిన ఈ ‘హీట్‌ హోల్డింగ్‌ ఫుడ్‌ కవర్లు’ ఆన్‌లైన్‌లో అందుబాటులో ఉన్నాయి. ఇవి ఆహార పదార్థాలను తాజాగా, వేడిగా ఉంచుతాయి. దుమ్మూ, ధూళీ పడకుండా, క్రిమికీటకాలు దరిచేరకుండా అడ్డుకుంటాయి. దీనికింద ఒకేసారి అయిదారు ఆహారపదార్థాలను భద్రపరచొచ్చు.  ఆకర్షణీయమైన రంగుల్లోనూ లభ్యమయ్యే ఈ కవర్లు భోజనాల బల్లకు సరికొత్త అందాన్నీ ఇస్తాయి. వీటిని అవసరం లేకపోతే మడిచి పక్కన పెట్టేయొచ్చు కూడా. సులువుగా ఎక్కడికైనా తీసుకువెళ్లొచ్చు. బాగున్నాయి కదూ.