రావి ఆకులే... టీ జాలీలుగా!

వంటింటి పరికరం

సాధారణంగా టీ వడకట్టడానికి మనం స్టీలు, ప్లాస్టిక్‌ జాలీని( స్టెయినర్‌) ఉపయోగిస్తాం. అయితే ఈ చిత్రంలో కనిపిస్తోన్న స్టెయినర్‌ కొత్తది, ప్రత్యేకమైంది. ప్రస్తుతం ఈ రావి ఆకు స్టెయినర్‌లు ఆన్‌లైన్‌ మార్కెట్లో సందడి చేస్తున్నాయి. కప్పు మీద ఈ సున్నితమైన, ప్రకాశవంతమైన పత్రాన్ని పెట్టి టీ ఒంపితే చాలు. ఆ తర్వాత ఈ ఆకును నీళ్లతో శుభ్రం చేసి ఆరబెడితే సరి. ఎలాంటి పరిస్థితుల్లో దీన్ని రుద్దకూడదు. ఏ ఒక్క ఆకూ ఒకేలా ఉండదు. కాబట్టి ప్రతి స్టెయినర్‌ ప్రత్యేకమైందే. అత్యంత నాణ్యమైన, పారదర్శకమైన, తేలికైన, పలుచటి సహజసిద్ధమైన రావి ఆకుల వల్ల ఎలాంటి దుష్ప్రభావాలూ ఉండవు. ఆకర్షణీయమైన వీటిని టీ స్టెయినర్‌లుగానే కాకుండా బుక్‌ మార్క్‌గానూ ఉపయోగించవచ్చు.