హనీ చిల్లీ పొటాటో ఫ్రై!

కావాల్సినవి: తేనె, నువ్వులు- రెండు పెద్ద చెంచాల చొప్పున, బంగాళాదుంపలు- నాలుగు, కార్న్‌ఫ్లోర్‌- మూడు పెద్ద చెంచాలు, నూనె- వేయించడానికి సరిపడా, వెల్లుల్లి రెబ్బలు- నాలుగైదు, పచ్చిమిర్చి- నాలుగు, ఉల్లిపాయ- ఒకటి, క్యాప్సికం ముక్కలు- పావు కప్పు, ఉప్పు- తగినంత, సోయాసాస్‌, రెడ్‌ చిల్లీసాస్‌, టొమాటో కెచప్‌- పెద్ద చెంచా చొప్పున, మిరియాల పొడి- అర చెంచా, ఉల్లికాడలు- అర కప్పు.

తయారీ: ముందుగా ఆలూను పొడవైన ముక్కలుగా కోసి వేడినీటిలో వేసి తీయాలి. తర్వాత వాటిని కార్న్‌ఫ్లోర్‌, ఉప్పుతో కలిపి... నూనెలో డీప్‌ ఫ్రై చేసుకోవాలి. మరో పాన్‌లో కొద్దిగా నూనె పోసి అది వేడయ్యాక వెల్లుల్లి రెబ్బలు, పచ్చిమిర్చి, ఉల్లిపాయ ముక్కలు వేసి నిమిషం పాటు వేయించాలి. ఆ తర్వాత కార్న్‌ఫ్లోర్‌నీ కలిపి మరో రెండు నిమిషాలపాటు వేయించుకోవాలి. వేయించిన ఆలూ మిశ్రమాన్ని వేసి కలపాలి. సోయాసాస్‌, రెడ్‌చిల్లీసాస్‌, టొమాటో కెచప్‌, సాల్ట్‌ పెప్పర్‌ని వేసి బాగా వేయించాలి. చివరగా తేనె కలిపి, నువ్వులుచల్లి ఉల్లికాడలతో గార్నిష్‌ చేసుకుంటే సరి.

సురేఖా నాగరాజ్‌
జెద్దా, సౌదీ అరేబియా

• honey
• gingili
• corn flour
• garlic
• deep fry
• onion
• soya soup
• తేనె
• నువ్వులు
• కార్న్‌ఫ్లోర్‌
• వెల్లుల్లి
• డీప్‌ ఫ్రై
• ఉల్లిపాయ
• సోయాసూప్‌