ముక్క పాడవకుండా!

సగం నిమ్మకాయ ముక్కను వాడి మిగతా సగాన్ని అక్కడే వదిలేస్తాం. కాసేపటికది ఎండిపోవడమో, వడలిపోవడమో జరుగుతుంది. దాంతో పారేస్తాం. అలా కాకుండా మిగిలిపోయిన పండ్లు, కూరగాయల ముక్కలను తాజాగా ఉంచుకోవడం కోసం తయారుచేసిందే ‘సావల్‌’ అనే ఈ పరికరం. అర, పావు, ముప్పావు పండ్ల/కూరగాయల ముక్కలను సాగే గుణం ఉన్న ఈ పరికరంలో ఉంచి దాని ఆకారానికి తగ్గట్లుగా క్లిప్‌ పెట్టి నిల్వ చేసుకోవచ్చు. దీనికి ఉండే సిలికాన్‌ స్ట్రాప్‌ పండ్ల ముక్కను అదిమి పట్టి గాలి పోకుండా చాలాకాలంపాటు తాజాగా ఉండేలా చేస్తుంది. ఈ పరికరాన్ని శుభ్రం చేయడం కూడా సులువే. దీన్ని ఉపయోగించి ఉల్లిపాయ, టొమాటో, క్యాప్సికం, నిమ్మ, నారింజ, కివి, సంత్రా, యాపిల్‌... ఇలా  అన్ని ముక్కలను తాజాగా భద్రపరుచుకోవచ్చు