సువాసనల ఇలాచీ!

లేత ఆకుపచ్చ రంగులో ఉండే యాలకులు ఆహారానికి సువాసనలను అందించడమే కాదు మనకు బోలెడు ప్రయోజనాలనూ కలిగిస్తాయి. స్వీట్లు, హాట్లు... ఇలా అన్ని రకాల వంటకాల్లో వాడే దీనివల్ల కలిగే లాభాలెన్నో.

*యాలకుల్లోని ఔషధ గుణాలు తీసుకున్న ఆహారాన్ని సక్రమంగా జీర్ణమయ్యేలా చేస్తాయి.

* వీటిలోని రసాయనాలు నోటి దుర్వాసనను తగ్గించడమే కాకుండా హానికారక బ్యాక్టీరియాను నశింపజేస్తాయి.

* వీటిలో మాంగనీస్‌, ఇనుము, మెగ్నీషియం, పొటాషియం, క్యాల్షియం, జింక్‌ ఖనిజాలు మెండుగా ఉంటాయి. అలాగే పీచు కూడా ఎక్కువ మొత్తంలోనే ఉంటుంది. విటమిన్‌-సి, బి6, రైబోఫ్లేవిన్‌, థయామిన్‌ తగిన మోతాదులో ఉంటాయి.

* శ్వాస సంబంధ సమస్యలకు చెక్‌ పెడతాయి.

*జీవక్రియలను పెంచి కాలేయాన్ని కాపాడతాయి.

*ఇలాచీలను ఆహారంలో చేర్చుకుంటే ఆకలి పెరుగుతుంది.

*వీటిలోని పొటాషియం అధిక రక్తపోటును నియంత్రిస్తుంది. గుండె ఆరోగ్యాన్ని కాపాడుతుంది.  

* రక్తనాళాల్లో ఏర్పడే అడ్డంకులను తొలగిస్తాయి.

* ఈ దినుసుల్లోని సుగంధ పరిమళాలు ఒత్తిడి, ఆందోళనను తగ్గించి ప్రశాంతతను చేకూరుస్తాయి. దగ్గు నుంచి ఉపశమనం కలిగిస్తాయి.

*వీటిలోని పీచు మలబద్ధకం సమస్య రాకుండా చూస్తుంది.

*చెడు కొలెస్ట్రాల్‌ను తగ్గిస్తాయి. కాబట్టి బరువు తగ్గాలనుకునేవారు  ఆహారంలో వీటిని చేర్చుకుంటే మంచి ఫలితం ఉంటుంది. ఇవి ఎముకల ఆరోగ్యానికి తోడ్పడతాయి.

* మూత్ర సంబంధ వ్యాధులను తగ్గిస్తాయి. క్యాన్సర్‌ కారకాలతో పోరాడతాయి. ఉదర సంబంధ సమస్యలను చెక్‌ పెడతాయి.  

* జుట్టు చక్కగా పెరగడంలో ఇవి తోడ్పడతాయి. చివర్లు చిట్లడం, ఊడిపోవడం సమస్యలను అదుపు చేస్తాయి.

*శరీరంలోని వాపులను నియంత్రిస్తాయి.